સમર્થન / બાંગ્લાદેશમાં સત્તા પાર્ટી અવામી લીગે કહ્યું હિન્દુઓનો ડર દૂર કરવો પડશે,હિન્દુઓના સમર્થનમાં રેલી કાઢ

અવામી લીગના સાંસદ અને સંયુક્ત મહાસચિવ મહેબૂબ આલમ હનીફે જણાવ્યું હતું કે પાર્ટીના કાર્યકરો આગામી બે સપ્તાહ સુધી દેશભરમાં કોમી સમરસતા માટે રેલીઓ કાઢશે

બાંગ્લાદેશમાં ભૂતકાળમાં સોશિયલ મીડિયા પર ખોટી અફવાઓ દ્વારા ફેલાયેલી હિંસા માટે સમગ્ર વિશ્વમાં નિંદા થઈ રહી છે. આ મામલામાં, દેશના શાસક પક્ષ અવામી લીગે લઘુમતી હિન્દુઓના સમર્થનમાં એક રેલી કાઢી કોમવાદી હિંસા બંધ કરોના નારા લગાવ્યા. મંગળવારની સાંજ પછી, બુધવારે પણ પક્ષના સમર્થકોએ દેશના ઘણા ભાગોમાં રેલીઓ કાઢી અને કહ્યું, હિંદુઓનો ડર દૂર કરવો પડશે.

બાંગ્લાદેશ અવામી લીગના સાંસદ અને સંયુક્ત મહાસચિવ મહેબૂબ આલમ હનીફે જણાવ્યું હતું કે પાર્ટીના કાર્યકરો આગામી બે સપ્તાહ સુધી દેશભરમાં કોમી સમરસતા માટે રેલીઓ કાઢશે. બુધવારે પાર્ટીએ રાજધાની ઢાકા સિલ્હેટ, ખુલ્ના, જેસોર, દિનાજપુર અને ચિત્તગંજમાં રેલીઓ કાઢી હતી અને હિંસા રોકવાની અપીલ કરી હતી. પાર્ટીની મહિલા સમર્થકોએ પણ રેલીઓમાં ભાગ લીધો હતો.

તેઓએ ‘સાંપ્રદાયિક દુષ્ટતા બંધ કરો’, ‘તમારા બાળકોને પ્રેમ કરવાનું શીખવો’ જેવા બેનરો અને પોસ્ટરો લગાવ્યા હતા. માનવાધિકાર સંગઠન ઇમ્નેસ્ટી ઇન્ટરનેશનલે દોષિતોને સજા આપવાની માંગ કરી હતી.  વડા પ્રધાન શેખ હસીનાએ પુનરાવર્તન કર્યું કે હિંસાના ગુનેગારોને કોઈપણ સંજોગોમાં છોડવામાં આવશે નહીં. ઉલ્લેખનીય છે કે છેલ્લા બુધવારથી દેશમાં ફાટી નીકળેલી કોમી હિંસામાં છ લોકો માર્યા ગયા છે જ્યારે ડઝનેક મકાનોને ભારે નુકશાન થયો છે


More Stories


Loading ...

Top Stories



Photo Gallery


Entertainment