ઈંગ્લેન્ડનાં ઓલરાઉન્ડર ક્રિકેટર અને તાજેતરમાં IPL ની CSK ટીમનાં સભ્ય મોઈન અલીએ હવે તેની ક્રિકેટ કારકિર્દીને લઈને મોટો નિર્ણય લીધો છે. તેણે નક્કી કર્યું છે કે તે હવે ટેસ્ટ ક્રિકેટ રમશે નહીં. આ સમાચાર ઈંગ્લેન્ડની ટીમ માટે એક મોટો ઝટકો છે. ESPN ક્રિકઇન્ફોનાં એક અહેવાલમાં એમ પણ કહેવામાં આવ્યું છે કે ઈંગ્લેન્ડનાં ક્રિકેટરે આ નિર્ણય મુખ્યત્વે T20 વર્લ્ડ કપ તેમજ એશિઝ સાથે ઘરથી દૂર રહેવાના કારણે લીધો છે.
આ પણ વાંચો – IPL 2021 / ખતરનાક બેટિંગ કરી રહેલા રસેલને શાર્દુલ ઠાકોરે બતાવ્યો પેવેલિયનનો રસ્તો, Video વાયરલ
ધોનીની ટીમ CSK નાં ખેલાડી મોઈન અલીએ હવે એક મોટો નિર્ણય લઇને સૌથી કોઇને ચોંકાવી દીધા છે. ESPN ક્રિકઇન્ફોનાં એક અહેવાલ અનુસાર, મોઇન અલીએ ટેસ્ટ ક્રિકેટમાંથી નિવૃત્તિ લેવાનો નિર્ણય કર્યો છે. તેનું મુખ્ય કારણ વ્યસ્ત ક્રિકેટ શેડ્યૂલ હોવાનું કહેવાય છે. મોઈન અલી હાલમાં UAE માં ચેન્નઈ સુપર કિંગ્સ તરફથી IPL રમવામાં વ્યસ્ત છે. તે પછી એવું માનવામાં આવે છે કે તે T20 વર્લ્ડ કપ 2021 માં પણ ઈંગ્લિશ ટીમનો ભાગ બનશે અને પછી વર્ષનાં અંતે તેને ઈંગ્લેન્ડની એશિઝ ટીમનો પણ ભાગ બનવું પડશે. આવી સ્થિતિમાં, તેણે પોતાની કારકિર્દી પર એક ફોર્મેટમાં બ્રેક લગાવવાનું નક્કી કર્યું.
England's Moeen Ali has called time on his Test career.
Details 👇
— ICC (@ICC) September 27, 2021
સમાચાર અનુસાર, મોઈન અલીએ આ નિર્ણયની માહિતી ઈંગ્લેન્ડ ક્રિકેટ ટીમનાં મુખ્ય કોચ ક્રિસ સિલ્વરવુડ અને ટેસ્ટ ટીમનાં કેપ્ટન જો રૂટને આપી છે. અલબત્ત, તે ટેસ્ટ ક્રિકેટને અલવિદા કહી રહ્યો છે પરંતુ વનડે અને T20 આંતરરાષ્ટ્રીય ક્રિકેટ સિવાય તે ફ્રેન્ચાઇઝી ક્રિકેટમાં પણ રમવાનું ચાલુ રાખવા માંગે છે. મોઈન અલીએ એવા સમયે ટેસ્ટ ક્રિકેટમાંથી નિવૃત્તિ લેવાનો નિર્ણય કર્યો જ્યારે તે આ ફોર્મેટમાં 3,000 રન અને 200 વિકેટ પૂરી કરવાની નજીક હતો.
આ પણ વાંચો – ક્રિકેટ પ્રેમ / ‘મારી પત્ની મને ચેન્નઈ સુપર કિંગ્સની જર્સી પહેરવા દેતી નથી’ ક્રિકેટ ચાહકના પ્લેકાર્ડમાં કેમ લખ્યું હતું
ઈંગ્લેન્ડનાં 34 વર્ષીય ઓલરાઉન્ડર મોઈન અલીએ 64 ટેસ્ટમાં અત્યાર સુધીમાં 2914 રન બનાવ્યા છે, જેમાં 5 સદી અને 14 અડધી સદી સામેલ છે. આ સિવાય તેણે 195 વિકેટ પણ લીધી છે. ટેસ્ટ ક્રિકેટમાં તેની સર્વશ્રેષ્ઠ ઇનિંગ 155 રનની અણનમ રહી છે જ્યારે એક ઇનિંગમાં 53 રનમાં 6 વિકેટ લેવાનું તેનું શ્રેષ્ઠ બોલિંગ પ્રદર્શન રહ્યું છે. બેટિંગ ઓલરાઉન્ડરે જૂન 2014 માં લોર્ડ્સ ખાતે શ્રીલંકા સામે ટેસ્ટ ડેબ્યૂ કર્યું હતું.
