Ahmedabad News: અમદાવાદ (Ahmedabad) શહેરના ચાંદલોડિયા (Chandlodia) વિસ્તારમાં વિશ્વેશ્વર મહાદેવ ચાર રસ્તા પાસે ઘણી જગ્યાએ ખાડા જોવા મળ્યા હતા. 14 જુલાઈના રોજ, ઉત્તર પશ્ચિમ ક્ષેત્ર ઇજનેર વિભાગ દ્વારા વિશ્વેશ્વર મહાદેવ ચાર રસ્તા પાસે રાત્રે ખાડા ભરવામાં આવ્યા હતા, પરંતુ 15 દિવસમાં જ રસ્તા પર ફરીથી ખાડા દેખાવા લાગ્યા. ચાંદલોડિયા બ્રિજ તરફ જતા રસ્તા પર પણ ખાડા પડી ગયા છે. ચાંદલોડિયા સિલ્વર સ્ટાર મોલથી ચાંદલોડિયા બ્રિજ સુધીનો રસ્તો પણ ખરાબ થઈ ગયો છે અને તેમાં ખાડા દેખાવા લાગ્યા છે.

અમદાવાદમા આવકવેરા મેટ્રો સ્ટેશન હેઠળ અને જૂના હાઈકોર્ટ પાછળના રેલ્વે સમાંતર રસ્તા પર પણ ઘણા ખાડા જોવા મળ્યા હતા. શહેરના પૂર્વ વિસ્તારમાં, રસ્તાઓ પણ ખરાબ થઈ ગયા છે અને વસ્ત્રાલ, એસપી રિંગ રોડ, મણિનગર, ગીતા મંદિર અને સૈજપુર સહિત ઘણા વિસ્તારોમાં ખાડા દેખાવા લાગ્યા છે. ગીતા મંદિર એસટી બસ સ્ટેન્ડની બહાર બસ પ્રવેશદ્વાર પર ખૂબ મોટા ખાડા દેખાઈ આવ્યા છે. મીરા સિનેમાની બહાર દાણીલીમડાથી ઈસનપુર જતા રસ્તા પર પણ ખૂબ મોટા ખાડા દેખાઈ આવ્યા છે. સૈજપુર ટાવર પાસે આવા દ્રશ્યો જોવા મળ્યા છે જ્યાં આખો રસ્તો ખાડામાં ફેરવાઈ ગયો છે. રસ્તા પર બધે ખાડા છે અને વાહનચાલકો તેમાંથી પસાર થવાની ફરજ પડી રહી છે. નેતાઓ ફરિયાદ કરે છે ત્યાં જ ખાડા ભરાય છે, પરંતુ જો નાગરિકો ફરિયાદ કરે છે અને રસ્તાઓનું સમારકામ કરવાની જરૂર પડે છે, તો કંઈ કરવામાં આવતું નથી.

આ વર્ષે ચોમાસા દરમિયાન રસ્તાઓના માઇક્રો રિસરફેસિંગના કામોના સમારકામ માટે મહાનગરપાલિકાએ અંદાજે 10 કરોડ રૂપિયાના કોન્ટ્રાક્ટ આપ્યા છે, પરંતુ આ કોન્ટ્રાક્ટરો સમારકામનું કામ કરી રહ્યા નથી. મ્યુનિસિપલ કમિશનર અને ભાજપના અધિકારીઓની સૂચના છતાં, માર્ગ વિભાગના સિટી એન્જિનિયર, દરેક ઝોનના સિટી એન્જિનિયર અને વધારાના સિટી એન્જિનિયર સહિતના કોન્ટ્રાક્ટરો દ્વારા કામ કરવામાં આવ્યું નથી.

આ પણ વાંચો:વલસાડ નેશનલ હાઈવે 48 પરના ખાડાઓને લઈ કલેકટરનો કડક આદેશ, 10 દિવસમાં રિપેરની ચેતવણી

આ પણ વાંચો:સાબરકાંઠામાં મંતવ્ય ન્યૂઝના અહેવાલની ધારદાર અસર, વડાલી-ખેડબ્રહ્મા હાઈવેના ખાડા પૂરાયા

આ પણ વાંચો:“વિસાવદરના કાલસારી ગામમાં ખરાબ રોડના ખાડાઓથી ખેડૂતનું ટ્રેક્ટર પલટી જતાં થયા પગના બે કટકા”