Dwarka Road Condition Update : દેશ-વિદેશમાં પ્રસિદ્ધ યાત્રાધામ દ્વારકામાં સામાન્ય વરસાદ બાદ જ રસ્તાઓની ખરાબ હાલત સામે આવી છે. શહેરના ઇસ્કોન ગેટ, રબારી ગેટ સહિત મુખ્ય માર્ગો અને હાઈવે પર અનેક સ્થળોએ મોટા ખાડા પડી ગયા છે. વરસાદી પાણી ખાડાઓમાં ભરાઈ જતાં વાહનચાલકો માટે માર્ગ પરથી પસાર થવું જોખમી બની ગયું છે. સ્થાનિકોનું કહેવું છે કે પ્રી-મોન્સૂન કામગીરીના દાવા વચ્ચે રસ્તાઓની આવી સ્થિતિ તંત્રની કામગીરી સામે સવાલો ઊભા કરે છે.

ઇસ્કોન અને રબારી ગેટ પાસે જોખમી સ્થિતિ

દ્વારકાના(Dwarka) મુખ્ય પ્રવેશમાર્ગોમાં ગણાતા ઇસ્કોન ગેટ અને રબારી ગેટ આસપાસ રસ્તા પર ખાડાઓની સંખ્યા વધી છે. વરસાદી પાણી ભરાઈ જવાથી ખાડા ક્યાં અને કેટલા ઊંડા છે તેનો અંદાજ વાહનચાલકોને આવતો નથી. ખાસ કરીને દ્વિચક્રી વાહનચાલકો માટે આ સ્થિતિ વધુ જોખમી બની રહી છે. પાણી ભરાયેલા ખાડામાં વાહનનું સંતુલન બગડવાથી સ્લીપ થવાનો કે અકસ્માત સર્જાવાનો ભય પણ રહે છે.

યાત્રાળુઓને પણ પડી રહી છે મુશ્કેલી

દ્વારકાધીશના (Dwarka)દર્શન માટે દરરોજ મોટી સંખ્યામાં શ્રદ્ધાળુઓ શહેરમાં પહોંચે છે. દેશના વિવિધ વિસ્તારો ઉપરાંત વિદેશથી આવતા યાત્રાળુઓ પણ આ રસ્તાઓ પરથી પસાર થાય છે. આવી સ્થિતિમાં શહેરના મુખ્ય માર્ગોની બિસ્માર હાલતને કારણે સ્થાનિકો સાથે બહારથી આવતા દર્શનાર્થીઓને પણ મુશ્કેલીનો સામનો કરવો પડી રહ્યો છે.

તાત્કાલિક સમારકામની માંગ

Dwarkaમાં રસ્તાઓ પર પાણી ભરાવાને કારણે ટ્રાફિક વ્યવસ્થા અને વાહનચાલકોની સુરક્ષાને લઈને પણ ચિંતા વધી છે. સ્થાનિકો અને વેપારીઓ દ્વારા તંત્ર સમક્ષ ખાડાઓનું તાત્કાલિક પુરાણ કરી પેચવર્ક સહિત યોગ્ય સમારકામ કરવાની માંગ કરવામાં આવી રહી છે. યાત્રાધામની પ્રતિષ્ઠાને ધ્યાનમાં રાખીને મુખ્ય માર્ગોની સ્થિતિ સુધારવા તંત્ર ઝડપથી કાર્યવાહી કરે તેવી માગ ઉઠી છે.

આ પણ વાંચો: ગુજરાતમાં મેઘમહેર યથાવત, 110 તાલુકામાં વરસાદ; માંડવીમાં 7 ઇંચ ખાબક્યો

આ પણ વાંચો:ગુજરાતમાં મેઘરાજાની ધમાકેદાર એન્ટ્રી, 240 તાલુકામાં વરસાદ; વલસાડ-ભરૂચમાં સૌથી વધુ અસર

આ પણ વાંચો: ગુજરાતમાં મેઘતાંડવઃ 193 તાલુકામાં વરસાદ, દક્ષિણ ગુજરાતમાં જળબંબાકારની સ્થિતિ