Gujarat Heavy Rain Forecast Update: ગુજરાતમાં છેલ્લા 24 કલાક દરમિયાન મેઘરાજાએ રાજ્યના અનેક વિસ્તારોમાં જોરદાર હાજરી નોંધાવી છે. સવારે 6 વાગ્યાથી બીજા દિવસે સવારે 6 વાગ્યા સુધીના સમયગાળામાં રાજ્યના કુલ 240 તાલુકામાં વરસાદ નોંધાયો હોવાનું સામે આવ્યું છે. દક્ષિણ ગુજરાત, ઉત્તર ગુજરાત અને સૌરાષ્ટ્રના વિવિધ વિસ્તારોમાં વરસાદને કારણે સ્થાનિક જનજીવન પર પણ અસર જોવા મળી રહી છે.
દક્ષિણ ગુજરાતમાં વરસાદનું જોર
છેલ્લા 24 કલાકના વરસાદના આંકડાઓમાં દક્ષિણ ગુજરાતના(Gujarat Heavy Rain) વિસ્તારો આગળ રહ્યા છે. ખાસ કરીને વલસાડ જિલ્લામાં ભારે વરસાદ નોંધાયો છે. કપરાડા તાલુકામાં 4.45 ઇંચ એટલે કે 113 મિલીમીટર વરસાદ નોંધાતા અહીં સૌથી વધુ વરસાદ નોંધાયો છે. વલસાડના અન્ય તાલુકાઓમાં પણ મેઘરાજાએ ધમાકેદાર બેટિંગ કરી છે. નાનાપોંઢા તાલુકામાં 3.54 ઇંચ અને ધરમપુરમાં 3.43 ઇંચ વરસાદ નોંધાયો છે. ભારે વરસાદને કારણે અનેક વિસ્તારોમાં પાણી ભરાવાની સ્થિતિ સર્જાઈ હોવાની માહિતી સામે આવી રહી છે.
ભરૂચના વાલિયામાં પણ ભારે વરસાદ
વલસાડ બાદ ભરૂચ જિલ્લાના વાલિયા તાલુકામાં પણ નોંધપાત્ર વરસાદ થયો છે. અહીં 3.82 ઇંચ એટલે કે 97 મિલીમીટર વરસાદ નોંધાયો છે. ટૂંકા સમયગાળામાં પડેલા આ ભારે વરસાદને(Gujarat Heavy Rain) કારણે નીચાણવાળા વિસ્તારોમાં પાણી ભરાવાની શક્યતા વધી છે.
240 તાલુકામાં મેઘમહેર
રાજ્યમાં (Gujarat Heavy Rain) માત્ર દક્ષિણ ગુજરાત જ નહીં, પરંતુ ઉત્તર ગુજરાત અને સૌરાષ્ટ્રના વિવિધ વિસ્તારોમાં પણ વરસાદ નોંધાયો છે. કુલ 240 તાલુકામાં વરસાદ પડતાં રાજ્યમાં ચોમાસાનો માહોલ વધુ સક્રિય બન્યો છે. ખાસ કરીને જ્યાં ભારે વરસાદ નોંધાયો છે ત્યાં સ્થાનિક તંત્ર દ્વારા સ્થિતિ પર નજર રાખવામાં આવી રહી છે. વરસાદનું જોર આગામી કલાકોમાં કેવું રહે છે તેના પર હવે સૌની નજર છે. હાલના આંકડા પ્રમાણે વલસાડનું કપરાડા સૌથી વધુ વરસાદ ધરાવતો તાલુકો બન્યો છે, જ્યારે ભરૂચનું વાલિયા પણ ભારે વરસાદના કારણે ચર્ચામાં છે. રાજ્યના અન્ય વિસ્તારોમાં પણ વરસાદી માહોલ યથાવત રહેવાની શક્યતા વચ્ચે ખેડૂતો અને સામાન્ય લોકોની નજર હવે આગામી વરસાદી આગાહી પર છે.
આ પણ વાંચો: ગુજરાતમાં મેઘતાંડવઃ 193 તાલુકામાં વરસાદ, દક્ષિણ ગુજરાતમાં જળબંબાકારની સ્થિતિ
આ પણ વાંચો: ગુજરાતમાં આજથી વરસાદનો નવો રાઉન્ડ શરૂ; 12 થી 17 સપ્ટેમ્બર અતિભારે વરસાદની આગાહી
આ પણ વાંચો: 11 સપ્ટેમ્બરે 25 રાજ્યોમાં ભારે વરસાદનું એલર્ટ, 75 કિમીની ઝડપે પવનની આગાહી
