National News : આસામના સિલચરમાં નેશનલ ઇન્સ્ટિટ્યૂટ ઓફ ટેકનોલોજી (NIT) ના એક સહાયક પ્રોફેસરની શુક્રવારે એક વિદ્યાર્થીની પર જાતીય હુમલો (શારીરિક અડપલા) કરવાના આરોપમાં ધરપકડ કરવામાં આવી હતી. આરોપી પ્રોફેસરની ઓળખ કોટેશ્વર રાજુ ધેનુકોંડા તરીકે થઈ છે. પીડિતાની ફરિયાદ પર પ્રોફેસરને સસ્પેન્ડ કરવામાં આવ્યો છે.
પીડિત વિદ્યાર્થીની ફરિયાદ મુજબ, વિદ્યાર્થીનીએ કહ્યું કે, પ્રોફેસરે મને તેની બાજુમાં બેસવાનું કહ્યું અને મને પૂછ્યું કે મને ઓછા માર્ક્સ કેમ આવ્યા છે. તેણે મારા હાથ પકડીને મારી આંગળીઓને સ્પર્શ કરવાનું શરૂ કર્યું. પછી તેણે ધીમેથી મારી જાંઘો પકડી લીધી. વિદ્યાર્થીએ કહ્યું કે પછી તેણે મારી સામે તેના કમ્પ્યુટર પર અશ્લીલ ગીતો વગાડ્યા હતા. મારા પેટને સ્પર્શ કર્યો અને ઘસ્યું. હું રડવા લાગી, પણ તે અટક્યો નહીં. તેણે મને પગ ફેલાવીને બેસવાનું કહ્યું. આ પછી તેણે પાછળથી મારી ગરદન પકડી લીધી હતી. પીડિત વિદ્યાર્થીએ કહ્યું કે મારા મિત્રએ મને ફોન કર્યા પછી હું ભાગી ગઈ, જે પ્રોફેસરના ચેમ્બરની બહાર રાહ જોઈ રહી હતી.
સંસ્થાને આપેલી લેખિત ફરિયાદમાં, વિદ્યાર્થીએ જણાવ્યું હતું કે પ્રોફેસરે તેને તેના ઓછા ગ્રેડ અંગે ચર્ચા કરવા માટે તેની ચેમ્બરમાં બોલાવી હતી.જે ચેમ્બરમાં ઘટના બની હતી તે ચેમ્બરને સીલ કરી દેવામાં આવ્યું હતું. મળતી માહિતી અનુસાર, આ ઘટના 20 માર્ચના રોજ બની હતી. આરોપી ઇલેક્ટ્રિકલ એન્જિનિયરિંગ વિભાગમાં પ્રોફેસર હતો. સંસ્થાને આપેલી લેખિત ફરિયાદમાં, વિદ્યાર્થીનીએ જણાવ્યું હતું કે પ્રોફેસરે તેને તેના ઓછા ગ્રેડ અંગે ચર્ચા કરવા માટે તેની ચેમ્બરમાં બોલાવી હતી.
કોલેજના જણાવ્યા અનુસાર, જે ચેમ્બરમાં ઘટના બની હતી તેને સીલ કરી દેવામાં આવી છે. પીડિતાને સુરક્ષિત અને આરામદાયક અનુભવાય તે માટે તમામ જરૂરી મદદ પૂરી પાડવામાં આવી રહી છે. આ મામલો તપાસ માટે સંસ્થાની આંતરિક ફરિયાદ સમિતિ (ICC) ને મોકલવામાં આવ્યો છે. મોટી સંખ્યામાં વિદ્યાર્થીઓએ આરોપી પ્રોફેસર સામે વિરોધ નોંધાવ્યો હતો. ગુરુવારે સાંજે NIT સિલચરના વિદ્યાર્થીઓએ આરોપી પ્રોફેસરની ધરપકડની માંગણી સાથે પ્રદર્શન કર્યું. આ પ્રદર્શનમાં મોટી સંખ્યામાં વિદ્યાર્થીઓ હાજર રહ્યા હતા.
આરોપીની ધરપકડ
આરોપી પ્રોફેસરે પોલીસને ગેરમાર્ગે દોરી હતી. કચરના એસપી (SP) નુમલ મહત્તાએ જણાવ્યું હતું કે જ્યારે પોલીસ આરોપી પ્રોફેસરની ધરપકડ કરવા ગઈ ત્યારે તેણે પોતાને છુપાવવાનો પ્રયાસ કર્યો હતો. પ્રોફેસરે ક્વાર્ટરનો દરવાજો બહારથી બંધ કરી દીધો હતો, પરંતુ અમે તેના મોબાઇલ ફોનનું સ્થાન શોધી કાઢ્યું અને શુક્રવારે સાંજે 5.30 વાગ્યાની આસપાસ તેની ધરપકડ કરી.
આ મામલે નોટિસ જારી કરવામાં આવી છે. નોટિસમાં, રજિસ્ટ્રાર આશિમ રાયે (Aashim Ray) જણાવ્યું હતું કે પીડિત વિદ્યાર્થીને સુરક્ષિત અને આરામદાયક અનુભવવા માટે તમામ જરૂરી મદદ પૂરી પાડવામાં આવી રહી છે. રાયે એમ પણ કહ્યું કે આ મામલો તપાસ માટે સંસ્થાની આંતરિક ફરિયાદ સમિતિ (ICC) ને મોકલવામાં આવ્યો છે. અગાઉના દિવસે, NIT સિલચરના ડિરેક્ટર દિલીપ કુમાર વૈદ્યએ આ બાબતે એક બેઠક બોલાવી હતી. તેમણે શુક્રવારે કહ્યું કે પરિસ્થિતિ હવે સામાન્ય છે. મોટાભાગના વિદ્યાર્થીઓ સવારે 4 વાગ્યા સુધી વિરોધ પ્રદર્શન કરી રહ્યા હોવાથી આજે વિદ્યાર્થીઓની હાજરી ઓછી હતી.
આ પણ વાંચો: સમલૈંગિક સંબંધ બાંધતી વખતે પ્રૌઢનું મોત, આરોપી યુવક ઘણા વર્ષોથી બાંધતો હતો શારીરિક સંબંધ, યુવકની કરાઈ ધરપકડ
આ પણ વાંચો: સગીર પીડિતાના બાહ્ય ગુપ્તાંગ સાથે સહેજ શારીરિક સંપર્ક પણ લૈંગિક હુમલો ગણાશે: કેરળ હાઈકોર્ટ
આ પણ વાંચો: ગુજરાતી મૂળના ડોક્ટરે મહિલા દર્દીઓનું કર્યું શારીરિક શોષણ, અમેરિકામાં 2 વર્ષની જેલ
