ગયા મહિને પંજાબી ગાયકમાંથી રાજકારણી બનેલા સિદ્ધુ મુસેવાલાની હત્યા બાદ રાજકીય વર્તુળોમાં પણ આ મામલો ગરમાયો છે. એક તરફ આ મામલામાં તપાસ ચાલી રહી છે તો બીજી તરફ તેમના પરિવારને અત્યાર સુધી અનેક રાજકીય હસ્તીઓ મળી છે. મંગળવારે રાહુલ ગાંધી માનસા જિલ્લાના મુસા ગામમાં સિદ્ધુ મુસેવાલાના ઘરે તેમના પરિવારના સભ્યોને મળવા પહોંચ્યા હતા. મુસેવાલાની 29 મે ના રોજ હત્યા કરવામાં આવી હતી.
રાહુલ ગાંધીની આ બેઠક દરમિયાન મીડિયાને મુસેવાલાના ઘરની અંદર જવા દેવામાં આવ્યા ન હતા. આપને જણાવી દઈએ કે રાહુલ ગાંધી છેલ્લા કેટલાક દિવસોથી વિદેશ પ્રવાસ પર હતા. તેઓ સપ્તાહના અંતે જ પરત ફર્યા છે. આજે સવારે તેઓ દિલ્હીથી ફ્લાઇટ દ્વારા ચંદીગઢ એરપોર્ટ પહોંચ્યા હતા, જ્યાંથી તેઓ સીધા કાર દ્વારા મુસા ગામ પહોંચ્યા હતા.
તેમની સાથે કોંગ્રેસના અનેક નેતાઓ પણ હતા. પંજાબ કોંગ્રેસના વડા અમરિન્દર સિંહ રાજા વારિંગ, વિધાનસભામાં વિપક્ષના નેતા પ્રતાપ સિંહ બાજવા, ભૂતપૂર્વ નાયબ મુખ્યપ્રધાન ઓપી સોની અને કેટલાક અન્ય પક્ષના નેતાઓ પાર્ટીની સાથે હતા.
રાહુલ ગાંધીની મુલાકાત પહેલા મુસેવાલાના ઘરની બહાર સુરક્ષા વધારી દેવામાં આવી હતી.
જણાવી દઈએ કે બે દિવસ પહેલા જ ગૃહમંત્રી અમિત શાહ ચંદીગઢ પહોંચ્યા હતા, જે દરમિયાન તેઓ મૂસેવાલાના પરિવારજનોને મળ્યા હતા. તે જ સમયે, ગયા અઠવાડિયે પંજાબના મુખ્ય પ્રધાન ભગવંત માને પણ મુસા ગામની મુલાકાત લઈને અને પરિવારના સભ્યોને મળીને સાંત્વના વ્યક્ત કરી હતી.
આ પણ વાંચો:ભાજપમાંથી સસ્પેન્ડ કરાયેલા નુપુર શર્માને દિલ્હી પોલીસે આપી સુરક્ષા, જાનથી મારી નાખવાની મળી ધમકી
આ પણ વાંચો:પાકિસ્તાને ડ્રોન દ્વારા ટિફિનમાં ભરેલા ટાઈમર બોમ્બ મોકલ્યા, BSFએ કાવતરું નિષ્ફળ બનાવ્યું
આ પણ વાંચો:મેકડોનાલ્ડના કોલ્ડ ડ્રિંકમાં ગરોળી મળી આવતાં કાર્યવાહી, AMCએ આઉટલેટ પર ફટકાર્યો 1 લાખનો દંડ
