આખા ઉત્તર ભારતમાં હજુ પણ તીવ્ર ઠંડી પડી રહી છે, જો કે પહેલાની સરખામણીમાં શિયાળામાં ઘટાડો થયો છે, પરંતુ હજી પણ ઉત્તર ભારતનાં ઘણા ભાગો ધુમ્મસથી ઘેરાયેલા છે, રવિવારે પણ દિલ્હી સહિત દેશનાં ઘણા ભાગોમાં હવાની ગુણવત્તા ખૂબ જ નબળી હોવાનું નોંધાયું છે. આ ઉપરાંત પૂર્વ રાજસ્થાન, પશ્ચિમ મધ્ય પ્રદેશ અને બિહારનાં કેટલાક સ્થળોએ પણ વધુ ધુમ્મસ નોંધાયું છે.
સ્કાઈમેટનાં જણાવ્યાં અનુસાર, છેલ્લા ચોવીસ કલાક દરમિયાન જમ્મુ-કાશ્મીર, લદ્દાખ અને હિમાચલ પ્રદેશમાં કેટલાક સ્થળોએ હળવાથી મધ્યમ વરસાદ અને હિમવર્ષા નોંધાઈ છે, જ્યારે જમ્મુ-કાશ્મીરનાં ઉત્તરીય ભાગોમાં, લદ્દાખ, હિમાચલ પ્રદેશ અને ઉત્તરાખંડમાં આગામી 24 કલાક દરમિયાન વરસાદ પડશે. એક અથવા બે સ્થળોએ હળવો વરસાદ અથવા હિમવર્ષાની સંભાવના છે, જ્યારે આજે પૂર્વોત્તરનાં રાજ્યોમાં કેટલાક સ્થળોએ હળવાથી મધ્યમ વરસાદ પડશે, જેનાથી તાપમાનમાં ભારે ઘટાડો થશે.
એટલું જ નહીં, સિક્કિમ, પશ્ચિમ બંગાળ, આંધ્રપ્રદેશ, કર્ણાટક, તામિલનાડુ, કેરળ, રાજસ્થાન, પંજાબ, હરિયાણા, દિલ્હી, ઉત્તર રાજસ્થાન, ઉત્તર પ્રદેશ, મધ્યપ્રદેશમાં ઘણા સ્થળો જ્યારે બિહાર, ઝારખંડ અને છત્તીસગઢમાં કેટલાક સ્થળોએ ધુમ્મસની સ્થિતિ છે. જ્યારે હવામાન વિભાગનું કહેવું છે કે દિલ્હી અને તેના નજીકનાં વિસ્તારોમાં 6 જાન્યુઆરી પછી ઠંડી પડી શકે છે અને 7 જાન્યુઆરી પછી, ડિસેમ્બરનાં દિવસોએ શીત લહેર ફેલાઇ શકે છે અને દિલ્હી એનસીઆરમાં 15 જાન્યુઆરી સુધીમાં ગાઢ ધુમ્મસ થઇ શકે છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
