- રાજકોટમાં કણકોટ એન્જિનિયરિંગ કોલેજ ખાતે થશે મતગણતરી
- એક રાઉન્ડમાં 14 ટેબલ પર ગણતરી કરવામાં આવશે
- દરેક ટેબલ પર વહીવટીતંત્રનો એક અધિકારી હાજર રહેશે
ગુજરાત વિધાનસભા ચૂંટણી 2022 બે તબક્કામાં યોજાઈ ગઈ છે. ચૂંટણી ભલે બે તબક્કામાં યોજાઈ, પણ તેનું પરિણામ એક જ તબક્કામાં આવશે. તેના પરિણામને લઈને રાજ્યના વિવિધ શહેરોમાં કુલ 37 મતગણતરી કેન્દ્ર રાખવામાં આવ્યા છે.તેમા રાજકોટમાં પણ તેનું મતગણતરી કેન્દ્ર કણકોટ એન્જિનિયરિંગ કોલેજ ખાતે રાખવામાં આવ્યું છે. કોલેજમાં સ્વાભાવિક રીતે વિદ્યાર્થીઓને રજા આપી દેવામાં આવી છે.
રાજકોટની કુલ ચાર બેઠકો માટે મતગણતરીનો આવતીકાલે સવારે આઠ વાગ્યાથી પ્રારંભ થશે. પહેલા બેલેટ પેપરની મતગણતરી કરવામાં આવશે. તેના પછી ઇવીએમની મતગણતરીના રાઉન્ડ શરૂ કરવામાં આવશે, એક રાઉન્ડમાં 14 ટેબલ ઉપર ગણતરી થશે અને દરેક ટેબલ ઉપર વહીવટી તંત્રના અધિકારી પણ હાજર રહેશે. દરમિયાન એવી શકયતા છે કે 12 વાગ્યાથી 1 વાગ્યા સુધીમાં રાજકોટના ઉમેદવારો અંગે ચિત્ર સ્પષ્ટ થઈ જશે.
બધા જ જિલ્લામાં સ્ટ્રોંગરૂમ બહાર અભેદ્ય સુરક્ષાચક્ર
મતગણતરીને હવે માત્ર ગણતરીની કલાકો બાકી છે. ત્યારે ચૂંટણી પંચે મતગણતરીની તમામ તૈયારીઓ પૂર્ણ કરી છે. જિલ્લાના દરેક મુખ્ય મથકના સ્ટ્રોંગરૂમ બહાર અભેદ સુરક્ષાચક્ર છે. અર્ધલશ્કરી દળના જવાનોનું ત્રિસ્તરીય સુરક્ષા કવચ રાખવામાં આવ્યું છે. CCTV કેમેરાની મદદથી સતત 24 કલાક દેખરેખ રાખવામાં આવી છે. મતગણતરી પહેલા અધિકારીઓએ સ્ટ્રોંગરૂમનું નિરીક્ષણ કર્યું હતું. અમદાવાદ, ગાંધીનગર, સુરત, વડોદરા અને જામનગરમાં મતગણતરી માટેની તમામ વ્યવસ્થાની ચકાસણી કરવામાં આવી છે. ત્યારે રાજકોટમાં પણ કણકોટ એન્જિનિયરિંગ કોલેજ ખાતે 8 વિધાનસબા બેઠકની મતગણતરી હાથ ધરવામાં આવશે.
આ પણ વાંચોઃ
ગુજરાત ચૂંટણી 2022/ મહેસાણાની સાત બેઠકો પર કુલ 1869 મતદાન મથકોના મતોની ગણતરી થશે
Gujarat election 2022/ગુજરાત ચૂંટણી 2022: 37 કેન્દ્રો પર થશે 182 બેઠકોની મતગણતરી
