બોલિવૂડ એક્ટ્રેસ રવિના ટંડને KGF-ચેપ્ટર 2 માં તેના અભિનય માટે તેને ઘણી પ્રશંસા મળી રહી છે. રવિના ટંડને 1991માં આવેલી ફિલ્મ ‘પથ્થર કે ફૂલ’થી ઈન્ડસ્ટ્રીમાં પોતાના કરિયરની શરૂઆત કરી હતી. ઇન્ડસ્ટ્રીમાં રવિનાની સફર લાંબી રહી છે અને તેણે મોહરા, લાડલા, દિલવાલે અને અંદાજ અપના અપના જેવી સુપરહિટ ફિલ્મો આપી છે. પરંતુ શું તમે જાણો છો કે આ રવિના ટંડન એક સમયે સ્ટુડિયોના ફ્લોર પરથી લોકોની ઉલટી સાફ કરતી હતી.
રવિના સ્ટુડિયોનો ફ્લોર સાફ કરતી હતી
મિડ ડે સાથેની વાતચીતમાં રવિના ટંડને કહ્યું, ‘તે સાચું છે. મેં લોકોની ઉલટી સાફ કરવાથી લઈને સ્ટુડિયોના ફ્લોર પર પોતું લગાવવા જેવુ કામ કર્યું છે. મેં કદાચ ધોરણ 10માં પ્રહલાદ કક્કરને મદદ કરી હતી. પછી તે મને કહેતો કે તું સ્ક્રીન પાછળ શું કરે છે, તારે સ્ક્રીન સામે આવવું જોઈએ, તું તેના લાયક છે.
રવિના ટંડને કહ્યું, ‘પછી હું તેને ના પાડતી કે ના, ના. અભિનેત્રી નહીં. ક્યારેય નહીં. તો સમજવું કે આ બધામાં હું સંયોગથી આવી છું. મેં ક્યારેય વિચાર્યું ન હતું કે હું અભિનેત્રી બનીશ. રવિના ટંડને એ પણ જણાવ્યું કે કેવી રીતે તેણે એક્ટિંગ પહેલા મોડલિંગ કરિયરની શરૂઆત કરી રવિનાએ કહ્યું- જ્યારે પણ કોઈ મૉડલ પ્રહલાદ સરના સેટ પર ન પહોંચી શકતી ત્યારે તે કહેતી – રવિનાને બોલાવો.
તે મને મેકઅપ સાથે પોઝ આપવા માટે કહેતો હતો. તેથી મેં વિચાર્યું કે જો મારે આ કરવું જ હોય તો હું પ્રહલાદ માટે મફતમાં ફરી ફરીને એ જ કામ શા માટે કરું છું. શા માટે તેમાંથી કેટલાક પૈસા કમાતી નથી? આ વિચારથી જ મને મોડલિંગ શરૂ કરવામાં આવ્યું. પછી મને ફિલ્મોની ઓફર મળવા લાગી અને મને ન તો એક્ટિંગ આવડતું હતું, ન ડાન્સ, ન તો ડાયલોગ બોલતા આવડતું હતું. ધીમે ધીમે બધું જાતે શીખી લીધું.
આ પણ વાંચો:અકસ્માતના આઘાતમાંથી હજુ બહાર નથી આવી મલાઈકા અરોરા, કહ્યું, ‘હું માનસિક રીતે ઠીક નથી’
આ પણ વાંચો: સચિન તેંડુલકરની પુત્રી સારાની ગ્લેમરસ સ્ટાઈલથી ફેન્સનું દિલ જીત્યું, કહ્યું, તમારી સામે અભિનેત્રીઓ પણ નિષ્ફળ