કોરિયોગ્રાફર અને ફિલ્મ નિર્માતા રેમો ડિસૂઝા સંપૂર્ણ સ્વસ્થ થઈ ગયા છે અને હવે તેણે એક વખત તેની ફિટનેસ પર કામ કરવાનું શરૂ કરી દીધું છે. રેમો ડિસુઝાએ પોતાનો એક વીડિયો સોશિયલ મીડિયા પર શેર કર્યો છે, જેમાં તે જીમમાં વર્કઆઉટ કરતો જોવા મળે છે.
વીડિયોમાં રેમો ડિસૂઝા વેઇટ લિફ્ટિંગ કરતો જોવા મળી રહ્યો છે. તેણે માસ્ક પહેર્યો છે. રેમોએ આ વીડિયોને તેના ઇન્સ્ટાગ્રામ એકાઉન્ટ પર શેર કરતાં લખ્યું છે કે, કમબેક હંમેશાં પીછેહઠ કરતા વધારે મજબૂત હોય છે. તેની આજથી શરૂઆત થઈ. ધીરે ધીરે પરંતુ ચોક્કસ રુપે. ”રેમો મેડિકલ પર્સનલ સાથે પણ જોવા મળે છે, જે સાફ જોવા મલી રહ્યું છે.
View this post on Instagram
રેમોના આ વીડિયોને અત્યાર સુધીમાં 1.5 લાખથી વધુ લોકોએ જોયો છે, પરંતુ એક પણ ટિપ્પણી જોવા મળતી નથી. તેણે પોતાના ઇન્સ્ટાગ્રામ એકાઉન્ટના કમેન્ટ્સ સેક્શનને બંધ કરી દીધું છે.
રેમોને ડિસેમ્બરમાં હાર્ટ એટેક આવ્યો હતો, ત્યારબાદ તેને મુંબઈની એક હોસ્પિટલમાં દાખલ કરવામાં આવ્યો હતો. એક ઇન્ટરવ્યૂમાં, રેમોએ જણાવ્યું હતું કે તેને જીમમાં વર્કઆઉટ કરતી વખતે હાર્ટ એટેક આવ્યો હતો. ત્યારબાદ પત્ની લીઝેલ તેને ઝડપથી હોસ્પિટલમાં લઈ ગઈ, જ્યાં થોડા દિવસો સુધી તેની સારવાર કરવામાં આવી. આ દરમિયાન સલમાન ખાને લિઝેલને ખૂબ જ મદદ કરી હતી. તે પોતે પણ હોસ્પિટલના ડૉકટરોના સંપર્કમાં હતો અને રેમોની હાલત વિશે સંભાળ લઇ રહ્યો હતો.
