Natural Face pack : વધતી ઉંમર, સૂર્યના આકરા કિરણો અને હોર્મોનલ ફેરફારોને કારણે ચહેરા (Face)પર ડાઘ-ધબ્બા પડવા એ હવે સામાન્ય સમસ્યા બની ગઈ છે. ઘણીવાર લોકો આ ડાઘ દૂર કરવા માટે મોંઘી ક્રિમ અને કેમિકલયુક્ત પ્રોડક્ટ્સ પાછળ હજારો રૂપિયા ખર્ચી નાખે છે, છતાં ધાર્યું પરિણામ મળતું નથી.

જો તમે પણ આ સમસ્યાથી પરેશાન હોવ, તો ચિંતા કરશો નહીં. તમારા રસોડામાં જ એવી વસ્તુઓ ઉપલબ્ધ છે જે તમારી ત્વચાને કુદરતી રીતે સાફ અને ડાઘમુક્ત બનાવી શકે છે. આજે અમે તમને બેસન અને દહીંના એક એવા ફેસપેક વિશે જણાવીશું જે બનાવવો ખૂબ સરળ છે અને પરિણામ અસરકારક છે.

ફેસપેક બનાવા જરૂરી સામગ્રી (Face)

આ ફેસપેક બનાવવા માટે તમારે રસોડાની માત્ર 4 સાદી વસ્તુઓની જરૂર પડશે:

2 ચમચી ચણાનો લોટ (બેસન)

1 ચમચી દહીં

અડધી ચમચી હળદર

1 ચમચી મધ

કેવી રીતે બનાવશો અને લગાવશો? (Step by Step Guide)

ચહેરો સાફ કરો: ફેસપેક લગાવતા પહેલા તમારા ચહેરાને હુંફાળા પાણીથી ધોઈ લો, જેથી રોમછિદ્રો ખુલી જાય અને ગંદકી સાફ થઈ જાય.

મિશ્રણ તૈયાર કરો: એક વાટકીમાં ચણાનો લોટ, દહીં, હળદર અને મધ મિક્સ કરીને સ્મૂધ પેસ્ટ બનાવી લો.

એપ્લાય કરો: હવે આ પેસ્ટને ચહેરા અને ગરદન પર એકસરખી રીતે લગાવો.

રાહ જુઓ: પેસ્ટને ચહેરા પર 15 થી 20 મિનિટ સુધી રહેવા દો જેથી તે સુકાઈ જાય અને ત્વચા પોષક તત્વો શોષી લે.

ધોઈ લો: 20 મિનિટ પછી હળવા હાથે ગોળાકાર માલિશ કરતા કરતા પેસ્ટ ઉતારો અને હુંફાળા પાણીથી ચહેરો ધોઈ લો.

ક્યારે અને કેટલી વાર ઉપયોગ કરવો?

આ નેચરલ ફેસપેકનો ઉપયોગ તમે અઠવાડિયામાં 2 થી 3 વાર કરી શકો છો.

ધ્યાન રાખો કે આ પેક લગાવ્યા પછી તરત જ તડકામાં બહાર જવાનું ટાળવું જોઈએ, તેથી સાંજના સમયે કે રાત્રે આ પ્રયોગ કરવો વધુ હિતાવહ છે.

ખાસ સાવચેતી (Precautions)

જો ચહેરા (Face) પર કોઈ ઘા, કટ કે ઈજા હોય તો આ પેક ન લગાવવો.

આંખોની આસપાસના નાજુક ભાગ પર પેસ્ટ ન લાગે તેનું ધ્યાન રાખવું.

જો તમને હળદર કે અન્ય કોઈ વસ્તુની એલર્જી હોય તો ઉપયોગ કરતા પહેલા હાથ પર પેચ ટેસ્ટ કરી લેવો.

હંમેશા તાજી પેસ્ટ બનાવીને જ વાપરવી, વધેલું મિશ્રણ સ્ટોર ન કરવું.

નિયમિત ઉપયોગથી તમારી ત્વચા (Face) ના ડાઘ ધીરે ધીરે આછા થશે અને ચહેરા પર કુદરતી ચમક (Natural Glow) આવશે. આ ઉપાય સુરક્ષિત અને કેમિકલ ફ્રી હોવાથી યુવાન કે વૃદ્ધ સૌ કોઈ અજમાવી શકે છે.

Disclaimer: આ લેખની માહિતી નિષ્ણાત દ્વારા સૂચવેલી કેવળ સામાન્ય જાણકારી છે. ત્વચાને લગતી કોઈ પણ સમસ્યા અંગે તબીબી સલાહ અવશ્ય લેવી.

આ પણ વાંચો: વાળ ખરવાથી પરેશાન છો? મોંઘા તેલ ભૂલી જાઓ, ઘરે જ બનાવો આયુર્વેદિક તલનું તેલ

આ પણ વાંચો : મોંઘીદાટ ક્રીમ અને લોશન પણ જે કામ નથી કરતા, તે આ 5 કુદરતી તેલ કરશે: શિયાળામાં ડ્રાય સ્કિનને કહો બાય-બાય

આ પણ વાંચો: શિયાળામાં નાળિયેર પાણી પીવાય કે નહીં? 90% લોકો અજાણતા કરે છે આ ભૂલ, જાણો શું કહે છે આયુર્વેદ અને સાયન્સ