હરિયાણાના વરિષ્ઠ IPS અધિકારી વાઇ પૂરણ કુમારના આત્મહત્યા કેસમાં ચંદીગઢ પોલીસે હરિયાણાના DGP શત્રુઘ્ન સિંહ કપૂર સહિત 14 અધિકારીઓ અને ભૂતપૂર્વ અધિકારીઓ વિરુદ્ધ સેક્ટર 11 પોલીસ સ્ટેશનમાં FIR નોંધી છે. વાઇ. પૂરણ કુમારે તેમના મૃત્યુ પહેલાં છોડી ગયેલી સુસાઇડ નોટમાં, તેમના મૃત્યુ માટે આ બધા વ્યક્તિઓને જવાબદાર ઠેરવ્યા હતા.

ચંદીગઢના આઈજી પુષ્પેન્દ્ર કુમારે પુષ્ટિ આપી હતી કે એફઆઈઆર દાખલ કરવામાં આવી છે અને તપાસ ઝડપથી આગળ વધી રહી છે. આ અધિકારીઓ વિરુદ્ધ ભારતીય દંડ સંહિતાની કલમ 108 (આત્મહત્યા માટે ઉશ્કેરણી), 3(5), ૩(1)(આર) અને એસસી/એસટી એક્ટ હેઠળ કેસ નોંધવામાં આવ્યો છે.
ચાલો જાણીએ કે IPS પૂરણ કુમારે પોતાની સુસાઇડ નોટમાં આ અધિકારીઓ પર કયા આરોપો લગાવ્યા છે.

FIRમાં DGP સહિત આ અધિકારીઓ સામે ગંભીર આરોપો
FIR માં હરિયાણાના ડીજીપી શત્રુઘ્ન કપૂર સામે ગંભીર આરોપો મૂકવામાં આવ્યા છે. FIR મુજબ, જ્યારે IPS પૂરણ કુમારે તેમના પગારના બાકી રકમની માંગણી કરી ત્યારે તેમનું અપમાન કરવામાં આવ્યું અને તેમના બાકી રકમ રોકી દેવામાં આવી હતી.
એડીજીપી સંજય કુમાર, આઈજીપી પંકજ નૈન, કલા રામચંદ્રન, સંદીપ ખિરવાર, સિબાશ કવિરાજ, મનોજ યાદવ, પીકે અગ્રવાલ અને અન્ય વરિષ્ઠ અધિકારીઓ પણ આ યાદીમાં છે. તેમના પર ખોટી ફરિયાદો દાખલ કરવા, અહેવાલો સાથે છેડછાડ કરવા અને સતત માનસિક ત્રાસ આપવાના આરોપો છે.

પિતાના અવસાન પર રજા ન આપી
સુસાઇડ નોટ મુજબ આ જાતિ આધારિત ભેદભાવ, જાહેર અપમાન, માનસિક ત્રાસ અને ત્રાસની શરૂઆત તત્કાલીન ડીજીપી મનોજ યાદવે કરી હતી. હું 2020 માં અંબાલાના એક પોલીસ સ્ટેશનમાં આવેલા મંદિરમાં ગયો હતો. તત્કાલીન એસીએસ, હોમ, રાજીવ, એ પણ સહકાર આપ્યો ન હતો.

તત્કાલીન ACS એ મને મારા પિતાના અવસાન પહેલા છેલ્લી વાર મળવા માટે જમા રજા પણ આપી ન હતી. આ વાતની જાણ તત્કાલીન મુખ્ય સચિવને લેખિતમાં કરવામાં આવી હતી. મનોજ યાદવના બેચમેટ્સ, ટીવીએસએન પ્રસાદ (તત્કાલીન એસીએસ હોમ) અને પીકે અગ્રવાલ (તત્કાલીન ડીજીપી) એ પણ આ જ વલણ જાળવી રાખ્યું હતું.

આ પણ વાંચો:હરિયાણાના ADGPનો અંગત કારણોસર આપઘાત

આ પણ વાંચો: haryana news/હરિયાણા IPS અધિકારી આત્મહત્યા કેસ,અધિકારીની પત્નીએ ઉત્પીડન અને જાતિ ભેદભાવનો લગાવ્યો આરોપ

આ પણ વાંચો: Surat News/સુરતમાં ઘર પાસેના બિલ્ડીંગના 9મા માળેથી પડતું મુકીને કિશોરનો આપઘાત, લિફ્ટમાં ઉપર જતો CCTVમાં કેદ