Surendranagar News : સુરેન્દ્રનગર જિલ્લા કોંગ્રેસ સમિતિ દ્વારા આવતીકાલે, 13 ફેબ્રુઆરી 2026ના રોજ ‘રસ્તા રોકો’ આંદોલન (Movement)ની જાહેરાત કરવામાં આવી છે. જિલ્લા પ્રમુખ નૌશાદ સોલંકીએ ચૂંટણી પંચ અને સ્થાનિક તંત્ર પર ભાજપના કાર્યકરોની જેમ વર્તવાનો આક્ષેપ કર્યો છે.
નૌશાદ સોલંકીના જણાવ્યા મુજબ, ખોટા ફોર્મ–7 રજૂ કરીને હજારો લોકોના મતાધિકાર છીનવી લેવાનો ગુનાહિત પ્રયાસ કરવામાં આવ્યો છે. તેમણે કહ્યું કે આ ગંભીર મામલે તંત્ર દ્વારા કોઈ અસરકારક કાર્યવાહી કરવામાં આવી રહી નથી. જેના પરિણામે કોંગ્રેસને નાછૂટકે આંદોલન(Movement)નો માર્ગ અપનાવવો પડ્યો છે.
આંદોલન અંતર્ગત સમગ્ર જિલ્લામાં રોડ, રસ્તા અને હાઈવે પર ચક્કાજામ કરવામાં આવશે. પૂર્વ ધારાસભ્ય અને જિલ્લા પ્રમુખ નૌશાદ સોલંકીએ સંવિધાન અને લોકશાહીને બચાવવા માટે કોંગ્રેસના તમામ કાર્યકરો, આગેવાનો, પદાધિકારીઓ તેમજ સામાન્ય જનતાને આ સંઘર્ષમાં જોડાવા અપીલ કરી છે.
