Cristiano Ronaldo and Georgina Rodriguez Marriage:  પોર્ટુગલના જાણીતા ફૂટબોલર ક્રિસ્ટિયાનો રોનાલ્ડો(Ronaldo) અને સ્પેનિશ-આર્જેન્ટિનિયન મોડલ જ્યોર્જિના રોડ્રિગેઝે 11 ઓગસ્ટે એક ખાનગી સમારોહમાં લગ્ન કર્યા હોવાના અહેવાલો સામે આવ્યા છે. લગ્ન બાદ હવે બંને વચ્ચેની આર્થિક વ્યવસ્થા અને સંપત્તિ સંબંધિત કેટલીક વિગતો ચર્ચામાં આવી રહી છે. જોકે, આ વિગતો વિવિધ મીડિયા રિપોર્ટ્સમાં કરવામાં આવેલા દાવાઓ પર આધારિત છે.

બંનેએ અલગ સંપત્તિ રાખવાની વ્યવસ્થા પસંદ કરી

રિપોર્ટ્સ અનુસાર, રોનાલ્ડો (Ronaldo) અને જ્યોર્જિનાએ લગ્ન માટે ‘સેપરેશન ઓફ પ્રોપર્ટી’ એટલે કે અલગ-અલગ સંપત્તિ રાખવાની વ્યવસ્થા પસંદ કરી છે. આ વ્યવસ્થા હેઠળ બંને પોતાની વ્યક્તિગત સંપત્તિ, આવક અને રોકાણ પર પોતાનો અલગ અધિકાર જાળવી શકે છે. એટલે કે લગ્ન પહેલાં કે લગ્ન દરમિયાન બંનેએ પોતાની કમાણીથી મેળવેલી સંપત્તિ આપમેળે બંનેની સંયુક્ત સંપત્તિ બની જાય તે જરૂરી નથી. જો ભવિષ્યમાં બંને અલગ થાય તો સંપત્તિનું આપમેળે સમાન વિભાજન ન થાય તેવી વ્યવસ્થા હોવાનો દાવો કરવામાં આવ્યો છે.

Ronaldoની કમાણી પર શું અસર થશે?

મીડિયા રિપોર્ટ્સમાં જણાવાયું છે કે આ વ્યવસ્થા હેઠળ રોનાલ્ડોની(Ronaldo) ફૂટબોલમાંથી થતી આવક, જાહેરાત કરારો અને તેમના બિઝનેસ રોકાણો પર તેમનો વ્યક્તિગત અધિકાર યથાવત રહી શકે છે. તેમાં સાઉદી અરેબિયન ક્લબ અલ-નસ્ર સાથેની કમાણી અને CR7 બ્રાન્ડ સાથે જોડાયેલા વ્યવસાયનો પણ સમાવેશ થાય છે. તે જ રીતે જ્યોર્જિનાની પોતાની આવક અને સંપત્તિ પર પણ તેમનો વ્યક્તિગત અધિકાર રહેવાની વાત કરવામાં આવી છે.

છૂટાછેડા થાય તો જ્યોર્જિનાને દર મહિને 1.10 કરોડ રૂપિયા?

લગ્ન બાદ સૌથી વધુ ચર્ચા જે દાવાની થઈ રહી છે તે જ્યોર્જિનાને મળનારી કથિત માસિક રકમ અંગે છે. એક રિપોર્ટમાં દાવો કરવામાં આવ્યો છે કે જો ભવિષ્યમાં બંને વચ્ચે છૂટાછેડા થાય અથવા અલગ રહેવાની સ્થિતિ સર્જાય તો જ્યોર્જિનાને રોનાલ્ડો(Ronaldo) તરફથી દર મહિને લગભગ એક લાખ યુરો, એટલે કે અંદાજે 1.10 કરોડ રૂપિયા મળવાની શરત હોઈ શકે છે. આ ઉપરાંત, મેડ્રિડના લા ફિન્કા વિસ્તારમાં આવેલા તેમના વૈભવી બંગલા અંગે પણ રિપોર્ટમાં દાવો કરવામાં આવ્યો છે કે અલગ થવાની સ્થિતિમાં તેના પર જ્યોર્જિનાનો અધિકાર રહી શકે છે. આ મિલકતની કિંમત અંદાજે 53 કરોડ રૂપિયાથી વધુ હોવાનો દાવો કરવામાં આવ્યો છે.

રિપોર્ટ્સમાં કરાયેલા દાવા, સત્તાવાર પુષ્ટિ જરૂરી

જોકે, લગ્નની નાણાકીય શરતો અને છૂટાછેડાની સ્થિતિમાં મળનારી રકમ અંગે સામે આવેલી આ વિગતોની સત્તાવાર રીતે સ્વતંત્ર પુષ્ટિ થઈ નથી. તેથી આ રકમ અને સંપત્તિ સંબંધિત માહિતીને હાલ મીડિયા રિપોર્ટ્સમાં કરવામાં આવેલા દાવા તરીકે જ જોવી યોગ્ય રહેશે.

આ પણ વાંચો :11 વર્ષના અફેર બાદ ક્રિસ્ટિયાનો રોનાલ્ડોએ ગર્લફ્રેન્ડ જોર્જિના સાથે કર્યા લગ્ન; 5 બાળકો સાથે ખાનગી સમારોહ યોજાયો

આ પણ વાંચો :રોનાલ્ડોને પાસ કેમ નથી આપતો? બ્રૂનો ફર્નાન્ડીઝ પર ફેન્સનો આક્રોશ; ઉઠાવ્યા ગંભીર સવાલો

આ પણ વાંચો :39 વર્ષની ઉંમરે પણ રોનાલ્ડોનો કમાલ ,સાઉદી લીગની સિઝનમાં સૌથી વધુ ગોલનો રેકોર્ડ તોડ્યો