રશિયા અને યુક્રેન વચ્ચે 24 ફેબ્રુઆરીથી શરૂ થયેલા યુદ્ધ દરમિયાન આવી અનેક તસવીરો સામે આવી રહી છે, જેણે આખી દુનિયાને હચમચાવી દીધી છે. યુક્રેનના બુચા શહેર અને કિવમાં મૃતદેહોના ઢગલા જોવા મળી રહ્યા છે. આરોપ છે કે રશિયન સેનાએ બુચામાં નાગરિકોને હાથ બાંધીને માથામાં ગોળી મારી હતી. આ યુદ્ધને 4 એપ્રિલે 40 દિવસ થયા છે.
રશિયા અને યુક્રેન વચ્ચેના યુદ્ધે સમગ્ર વિશ્વને ચિંતામાં મૂકી દીધું છે. આ યુદ્ધને 4 એપ્રિલે 40 દિવસ થયા છે. રશિયા અને યુક્રેન વચ્ચે 24 ફેબ્રુઆરીથી શરૂ થયેલા યુદ્ધ દરમિયાન આવી અનેક તસવીરો સામે આવી રહી છે, જે હ્રદયદ્રાવક છે. યુક્રેને રશિયન સેના પર બુચા અને કિવ શહેરમાં નરસંહારનો આરોપ લગાવ્યો છે. જોકે, રશિયાએ બુચા અત્યાચાર માટે યુક્રેનને જવાબદાર ઠેરવ્યું છે.
ઓડેસા પર રાતોરાત મિસાઇલોનો વરસાદ થયો
રશિયન સેનાએ ઓડેસા, માયકોલાઇવ પર રાતોરાત હુમલો કર્યો. માયકોલાઈવના મેયર ઓલેક્ઝાન્ડર સેનકેવિચના જણાવ્યા અનુસાર, રશિયાએ 4 એપ્રિલની શરૂઆતમાં કેટલીક મિસાઈલો વડે માયકોલાઈવ શહેર પર હુમલો કર્યો હતો. જાનહાનિની સંખ્યા અથવા ગંભીરતા અંગે હજુ સુધી કોઈ માહિતી નથી. વહેલી સવારે, ઓડેસા મિલિટરી એડમિનિસ્ટ્રેશનના પ્રવક્તા, સેરગેઈ બ્રાચુકે જણાવ્યું હતું કે ઓડેસાએ પણ રાતોરાત હવાઈ હુમલાનો સામનો કર્યો હતો.
કિવમાં 410 મૃતદેહો મળ્યા
યુક્રેનની રાજધાની કિવની નજીકના શહેરોમાંથી 410 મૃતદેહો મળી આવ્યા છે, પરંતુ કેટલાક સાક્ષીઓ એટલા ડરી ગયા છે કે તેઓ કશું કહી રહ્યા નથી. જો કે રશિયા એ વાતનો ઇનકાર કરે છે કે તેની સેનાએ બુચામાં નાગરિકોની હત્યા કરી છે. AFP ન્યૂઝ એજન્સી અનુસાર, પ્રોસિક્યુટર-જનરલ ઇરિના વેન્ડિકટોવે રાષ્ટ્રીય ટેલિવિઝનને આ વાતની પુષ્ટિ કરી છે. બૌચાના મેયર એન્ટોલી ફેડરોકે શનિવારે ખુલાસો કર્યો હતો કે 280 મૃતદેહોને સામૂહિક કબરમાં દફનાવવામાં આવ્યા હતા. કિવએ કહ્યું કે તેની હવાઈ દળોએ બેલારુસની સરહદની બહાર, રશિયન સૈન્ય દ્વારા ત્યજી દેવાયેલા ચેર્નોબિલ પરમાણુ પાવર પ્લાન્ટ અને પ્રિપાયટ શહેરનો સંપૂર્ણ નિયંત્રણ લઈ લીધો છે.
રશિયા પર પ્રતિબંધોની માંગ
જર્મનીએ એવી માગણી ઉઠાવી છે કે યુરોપિયન યુનિયને રશિયન ગેસ પરના પ્રતિબંધો અંગે ચર્ચા કરવી જોઈએ. જર્મનીના રક્ષા મંત્રીએ કહ્યું કે કિવ નજીક રશિયન સેના પર અત્યાચાર કરવાનો આરોપ લગાવ્યા બાદ તેના પર વિચાર કરવો જોઈએ.તમને જણાવી દઈએ કે રશિયા યુરોપને 40 ટકા ગેસ સપ્લાય કરે છે.
માનવતાવાદી કોરિડોર
યુક્રેનના નાયબ વડા પ્રધાન ઇરીના વેરેશચુકે રશિયન દળો દ્વારા ઘેરાયેલા મારિયુપોલથી ઝાપોરિઝ્ઝિયા, માર્યુપોલથી ઝાપોરિઝ્ઝિયા સુધી માનવતાવાદી કોરિડોરની જાહેરાત કરી હતી. માર્યુપોલના રહેવાસીઓને 4 એપ્રિલે કાર દ્વારા શહેર છોડવાની મંજૂરી આપવામાં આવી હતી. વેરેશચુકે જણાવ્યું હતું કે લુહાન્સ્ક ઓબ્લાસ્ટના સેવેરોદનેત્સ્ક, પોપાસ્ના, લિસિચાંસ્ક, રુબિઝને અને ન્યાઝને ગામમાંથી પણ સ્થળાંતર ચાલુ છે.
HDFC ટ્વિન મર્જર/ જો તમારું HDFC બેંકમાં ખાતું છે, તો જાણો મર્જર પછી શું થશે?
National/ ‘દેશને તેમની જરૂર છે’ કહીને વૃદ્ધ મહિલાએ પોતાની મિલકત રાહુલ ગાંધીના નામે કરી દીધી
વિશ્લેષણ/ શું ભાજપને હારનો ડર સતાવી રહ્યો છે ? અઠવાડિયામાં બે નિર્ણયો પાછા ખેંચવાની તૈયારી
National/ દેશના ધગધગતા જંગલોઃ સાત દિવસમાં 60 હજારથી વધુ આગની ઘટનાઓ
