Us News: અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump) અને યુક્રેનના રાષ્ટ્રપતિ વ્લાદિમીર ઝેલેન્સકીને લઈને રશિયાની પહેલી પ્રતિક્રિયા સામે આવી છે. ખૂબ જ તીક્ષ્ણ પ્રતિક્રિયામાં, રશિયાએ આશ્ચર્ય વ્યક્ત કર્યું છે કે કેવી રીતે યુએસ પ્રમુખ ડોનાલ્ડ ટ્રમ્પે ‘ઓવલ ઓફિસ’માં ગરમાગરમ ચર્ચા દરમિયાન યુક્રેનના રાષ્ટ્રપતિ ઝેલેન્સકીને થપ્પડ મારવાથી પોતાને રોક્યા.
તમને જણાવી દઈએ કે શુક્રવારે અમેરિકી રાષ્ટ્રપતિની ઓવલ ઓફિસમાં મીટિંગ દરમિયાન બંને રાષ્ટ્રાધ્યક્ષો વચ્ચે જોરદાર ચર્ચા થઈ હતી અને ટ્રમ્પે ઝેલેન્સકી પર “લાખો લોકોના જીવન જોખમમાં મુકવાનો” આરોપ લગાવ્યો હતો અને કહ્યું હતું કે તેમના પગલાથી ત્રીજું વિશ્વ યુદ્ધ થઈ શકે છે. એટલું જ નહીં, ટ્રમ્પે મીડિયા સામે યુક્રેનના રાષ્ટ્રપતિને મૂર્ખ પણ કહ્યા. આથી હોબાળો મચી ગયો હતો. મીટિંગ પછી, ઝેલેન્સકી પોતાનો કાર્યક્રમ અધવચ્ચે છોડીને વ્હાઈટ હાઉસમાંથી બહાર નીકળી ગયા.
અમેરિકા અને યુક્રેન વચ્ચે ખનિજ કરાર થયો નથી
ચર્ચાનું સ્તર એટલું બગડ્યું કે અમેરિકા અને યુક્રેન વચ્ચેનો મહત્વનો ખનિજ કરાર પણ થયો ન હતો. ઝેલેન્સ્કીએ ઓવલ ઓફિસના તમામ કાર્યક્રમો અધવચ્ચે છોડી દીધા. જ્યારે તેણે અમેરિકા સાથે મહત્વના ખનિજ કરાર પર હસ્તાક્ષર કરવાના હતા. રશિયાના વિદેશ મંત્રાલયના પ્રવક્તા મારિયા ઝખારોવે મીટિંગમાં ચર્ચા પર પ્રતિક્રિયા આપતા ટેલિગ્રામ પર લખ્યું કે વ્હાઇટ હાઉસમાં ઝેલેન્સકીનું સૌથી મોટું જૂઠ એ દાવો હતો કે 2022માં યુક્રેન એકલું પડી ગયું હતું અને તેને કોઈ સમર્થન નથી. તેમણે કહ્યું, “તે આશ્ચર્યજનક છે કે કેવી રીતે ટ્રમ્પ અને (યુએસ વાઇસ પ્રેસિડેન્ટ જેડી) વેન્સે તેમને થપ્પડ મારવાથી પોતાને રોક્યા.
આ પણ વાંચો:મિશિગનમાં માતાએ પુત્રનાં 18મા જન્મદિવસ પહેલા જ મોતને ઘાટ ઉતાર્યો
