સેમસંગના તાજેતરમાં લોન્ચ થયેલા બજેટ સ્માર્ટફોન સેમસંગ ગેલેક્સી એમ02 એસ ( Samsung Galaxy M02s )નો ભારતમાં પહેલો સેલ આજથી શરૂ થશે. સેમસંગે આજે આ ફોનના પેહેલા સેલ વિશે માહિતી આપતા કહ્યું કે, આ ફોન એમેઝોન પર ખરીદી શકાય છે.
ગયા અઠવાડિયે સેમસંગે ગેલેક્સી M02S ને ભારતમાં 2 વેરિયન્ટમાં લોન્ચ કર્યો હતો. સેમસંગ ગેલેક્સી M02s ના 3 જીબી રેમ + 32 જીબી સ્ટોરેજ વેરિઅન્ટની કિંમત 8,999 રૂપિયા છે અને 4 જીબી રેમ + 64 જીબી સ્ટોરેજ વેરિઅન્ટની કિંમત 9,999 રૂપિયા છે. આ ફોનમાં ઘણી જબરદસ્ત સુવિધાઓ છે.
સુવિધાઓ
સેમસંગનો એન્ટ્રી લેવલ અને બજેટ સેગમેન્ટ મોબાઈલ, સેમસંગ ગેલેક્સી M02s, કંપની દ્વારા ક્વાલકોમ સ્નેપડ્રેગન 450 SoC પ્રોસેસર સાથે લોન્ચ કરવામાં આવ્યો છે. આની સાથે આ ફોનમાં 15W ફાસ્ટ ચાર્જિંગ સપોર્ટ સાથે 5,000 એમએએચની બેટરી છે. આ ફોનનું સ્ક્રીન રીઝોલ્યુશન 720×1600 પિક્સેલ્સ છે. આ ફોનમાં વોટર ડ્રોપ સ્ટાઇલ નોચ ડિસ્પ્લે છે, જેમાં 5 મેગાપિક્સલનો સેલ્ફી કેમેરો છે.
કેમેરા
બ્લેક, બ્લુ અને રેડ કલર ઓપ્શનમાં લોન્ચ કરાયેલા સેમસંગ ગેલેક્સી M02s માં ટ્રિપલ રીઅર કેમેરા સેટઅપ છે, જેમાં 12 મેગાપિક્સલ્સનો પ્રાઇમરી સેન્સર છે. આ સાથે 2 મેગાપિક્સલનો ડેપ્થ સેન્સર અને 2 મેગાપિક્સલનો મેક્રો લેન્સ પણ છે. એન્ડ્રોઇડ 10 ના આધારે, આ ફોનમાં ઘણી વધુ સુવિધાઓ છે.
