Bhavnagar News: સિહોરની પ્રખ્યાત સર્વોત્તમ ડેરીએ પશુપાલકો (Pastoralists) ને ખુશખબર આપી છે. ડેરીએ દૂધના ખરીદ ભાવમાં પ્રતિ કિલો ફેટ 30 રૂપિયાનો મોટો વધારો જાહેર કર્યો છે, જેના કારણે પશુપાલકોમાં ખુશીનો માહોલ છવાઈ ગયો છે. આ નવો ભાવ વધારો 1 સપ્ટેમ્બર, 2025 થી અમલમાં આવશે, જેના પરિણામે દૂધનો ભાવ 870 રૂપિયા પ્રતિ કિલો ફેટથી વધીને 900 રૂપિયા થશે.આ નિર્ણય સાથે, સર્વોત્તમ ડેરી ગુજરાત (Gujarat) માં સૌથી વધુ દૂધ ખરીદ ભાવ આપતી ડેરી બની ગઈ છે.
સર્વોત્તમ ડેરીના આ નિર્ણયથી ભાવનગર અને આસપાસના વિસ્તારોના હજારો પશુપાલકોને સીધો ફાયદો થશે. પશુપાલન એ ગુજરાતના ગ્રામીણ અર્થતંત્રનો એક મહત્વપૂર્ણ આધારસ્તંભ છે,અને છેલ્લા કેટલાક સમયથી ખેતી અને પશુપાલનનો ખર્ચ સતત વધી રહ્યો છે. આવા સમયે, સર્વોત્તમ ડેરી દ્વારા કરવામાં આવેલ આ ભાવ વધારો પશુપાલકોને આર્થિક રાહત આપશે અને તેમની આવકમાં સુધારો કરશે.ગાય અને ભેંસના ચારાના ભાવ અને અન્ય ખર્ચાઓમાં વધારો થયો છે, ત્યારે આ નિર્ણય અમને મોટી રાહત આપશે.”
સમસોત્મ ડેરી ગુજરાતની અગ્રણી ડેરીઓમાંની એક છે, જે તેના ગુણવત્તાયુક્ત દૂધ ઉત્પાદનો અને પશુપાલકોને વાજબી ભાવ માટે જાણીતી છે. આ ભાવ વધારો પશુપાલકોને તેમના ઉત્પાદન માટે વાજબી વળતર આપવા અને ગુણવત્તાયુક્ત દૂધ ઉત્પાદનને પ્રોત્સાહન આપવાની ડેરીની પ્રતિબદ્ધતાને વધુ મજબૂત બનાવે છે. એક ડેરી અધિકારીએ જણાવ્યું હતું કે, “અમે હંમેશા પશુપાલકોના હિતોને પ્રાથમિકતા આપી છે. બજારમાં ગુણવત્તાયુક્ત દૂધની વધતી માંગ અને ખર્ચને ધ્યાનમાં રાખીને, અમે ભાવ વધારાનો આ નિર્ણય લીધો છે. અમારો ઉદ્દેશ્ય એ છે કે પશુપાલકોને તેમની મહેનતનું વાજબી વળતર મળે અને તેઓ તેમના પશુઓનો ઉછેર વધુ ઉત્સાહથી કરે.
આ પણ વાંચો:ભાવનગરમાં દુષ્કર્મની ઘટનાને લઇ ચકચાર,આધેડે બાળકીને બનાવી હવસનો શિકાર
આ પણ વાંચો:ભાવનગર : પાલીતાણાના વડાળ ગામે સિંહોના ટોળાએ 12 પશુનું કર્યું મારણ
આ પણ વાંચો:ભાવનગરને કેન્દ્રીય રેલવે મંત્રાલયની મોટી ભેટ, રેલ લાઈન પ્રોજેક્ટને મળી અંતિમ મંજૂરી
