સાવિત્રીબાઈ ફૂલેનો જન્મ દલિત પરિવારમાં થયો હતો, પરંતુ તે પછી પણ તેમનો ઉદ્દેશ એ સુનિશ્ચિત કરવાનો હતો કે કોઈની સાથે ભેદભાવ કરવામાં ન આવે અને દરેકને અભ્યાસ કરવાની તક મળે.
દેશની પ્રથમ મહિલા શિક્ષિકા કે જેમણે પોતાનું જીવન ફક્ત છોકરીઓને ભણાવવા અને સમાજને ઉત્થાન અપાવવામાં સમર્પિત કર્યું હતું, નામ સાવિત્રીબાઈ ફૂલે. આજે સાવિત્રીબાઈ ફૂલેની 189 મી જન્મજયંતિ છે, વડા પ્રધાન નરેન્દ્ર મોદીએ આ પ્રસંગે તેમને શ્રદ્ધાંજલિ આપી હતી. પીએમ મોદીએ તેમને શિક્ષણ, મહિલા સશક્તિકરણ માટે જે કર્યું તેના બદલ સલામ કરી છે. સાવિત્રીબાઈ ફૂલેનો જન્મ દલિત પરિવારમાં થયો હતો, પરંતુ તે પછી પણ તેમનો ઉદ્દેશ હતો કે કોઈની સાથે ભેદભાવ કરવામાં ન આવે અને દરેકને અભ્યાસ કરવાની તક મળી.
કોણ હતા સાવિત્રીબાઈ ફુલે?
સાવિત્રીબાઈ ફુલે, ભારતની પ્રથમ મહિલા શિક્ષક, કવિ, સામાજિક કાર્યકર જેનું લક્ષ્ય છોકરીઓને શિક્ષિત કરવાનું હતું. સાવિત્રીબાઈનો જન્મ 3 જાન્યુઆરી 1831 ના રોજ મહારાષ્ટ્રના એક દલિત પરિવારમાં થયો હતો. માત્ર નવ વર્ષની ઉંમરે, તેમણે ક્રાંતિકારી જ્યોતિબા ફૂલે સાથે લગ્ન કર્યા, તે સમયે જ્યોતિબા ફૂલે માત્ર 13 વર્ષના અને સાવિત્રીબાઈ માત્ર 9 વર્ષના હતા.
જ્યારે તેનો પતિ ક્રાંતિકારી અને સામાજિક કાર્યકર હતો, ત્યારે સાવિત્રીબાઈએ પણ પોતાનું જીવન તેમાં જ સમર્પિત કર્યું. અને અન્યની સેવા કરવાનું શરૂ કર્યું હતું. 10 માર્ચ 1897 ના રોજ સાવિત્રીબાઈ ફુલે પ્લેગથી પીડિત દર્દીઓની સેવા કરતી વખતે મૃત્યુ પામ્યા. પ્લેગથી પીડિત બાળકોની સેવા કરતી વખતે તેઓને પ્લેગ પણ થયો હતો, જેના કારણે તેમનું મોત નીપજ્યું હતું.
સાવિત્રીબાઈએ તેમના જીવનમાં વિધવા વિવાહ, અસ્પૃશ્યતાને નાબૂદ કરવી, સમાજમાં મહિલાઓને બરાબર સન્માન, અને દલિત મહિલાઓને શિક્ષિત કરવા સહિતના કેટલાક લક્ષ્યો નક્કી કર્યા હતા. તેમણે બાળકો માટે શાળાઓ શરૂ કરી. શાળા પૂણેથી શરૂ થઈ હતી અને લગભગ 18 શાળાઓ ખોલવામાં આવી હતી.
1848 માં, સાવિત્રીબાઈ ફુલે શાળાએ ભણાવવા માટે પણ જતા હતા. ત્યારબાદ સાવિત્રીબાઈ ફુલે બે સાડીઓ લઈને શાળાએ જતા હતા. એક પહેરીને અને બીજી બેગમાં રાખીને જતા હતા. કારણ કે રસ્તામાં પસાર થતા લોકો તેમની વિચારસરણીના વિરોધી હતા. અને માનતા હતા કે શુદ્ર-અતિ શુદ્રને વાંચવાનો અધિકાર નથી. અને માર્ગમાં સાવિત્રીબાઈ ઉપર છાણ ફેંકતા હતા. જેના કારણે તેમના કપડા સંપૂર્ણ ગંદા અને વાસ મારતા હતા. આથી શાળાએ પહોચી ણે સાવિત્રીબાઈ પોતાની બેગમાં લાવેલી બીજી સાડી પહેરીને બાળકોને ભણાવવ લગતા હતા. પાછળથી તેમને પોતાનીશાળા ખોલી અને જેનું મુખ્ય લક્ષ્ય દલિત છોકરીઓને શિક્ષિત કરવાનું હતું.
શાળા નવ વિદ્યાર્થીઓ સાથે શરૂ કરી હતી.
સવિત્રીબાઈ ફુલેએ 3 જાન્યુઆરી 1848 ના રોજ તેમના જન્મદિવસના જ દિવસે વિવિધ જાતિના નવ વિદ્યાર્થીઓને એકત્રિત કર્યા અને શાળા શરૂ કરી. આ અભિયાન સફળ રહ્યું હતું અને સાવિત્રીબાઈ ફુલે અને જ્યોતિબાફુલે જુદી જુદી જગ્યાએ પાંચ શાળાઓ શરૂ કરી. જે સમાજમાં તે સમયે છોકરીઓને ઘરમાં રહેવાની ફરજ પાડવામાં આવતી હતી. તે સમયે તે સમજ માં સાવિત્રીબાઈ એ સ્ત્રી શિક્ષણની મુહિમ છેડી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
