ગઈકાલે સંસદના નવા ભવનમાં પહેલીવાર સંસદની કાર્યવાહી થઈ હતી. આ પહેલા ઘણા નેતાઓએ જૂના સંસદ ભવનના સેન્ટ્રલ હોલમાં તે જગ્યા સાથે જોડાયેલી પોતાની યાદો શેર કરી હતી. તેમણે જૂના સંસદ ભવનનાં મહત્વ વિશે જણાવ્યું અને નવી સંસદ ભવન માટે પણ આશા વ્યક્ત કરી. ત્યાર બાદ તમામ સાંસદો પીએમ નરેન્દ્ર મોદી સાથે નવા ભવનમાં પ્રવેશ્યા હતા. નવા સંસદ ભવન જઈ રહ્યા હતા ત્યારે કોંગ્રેસના નેતા અધીર રંજન ચૌધરીના હાથમાં બંધારણનું પુસ્તક હતું. હવે તેમણે બંધારણના નવા પુસ્તકને લઈને મોટો આરોપ લગાવ્યો છે.
લોકસભામાં કોંગ્રેસના ગૃહના નેતા અધીર રંજન ચૌધરીનું કહેવું છે કે બંધારણના નવા પુસ્તકની પ્રસ્તાવનામાંથી સોશિયલિસ્ટ સેક્યુલર શબ્દ ગાયબ છે. તેમણે કહ્યું, નવા સંસદ ભવનમાં પ્રવેશ કરતી વખતે આ પુસ્તક અમારા હાથમાં હતું. આપણે જાણીએ છીએ કે આ શબ્દ વર્ષ 1976માં બંધારણમાં સુધારો કરીને ઉમેરવામાં આવ્યો હતો.
તેમણે કહ્યું, જો આજે કોઈ તમને બંધારણની નવી નકલ આપે છે અને તેમાં આ શબ્દ નથી, તો તે ચોક્કસપણે ચિંતાનો વિષય છે. તેના ઈરાદા પર શંકા છે. આ ખૂબ જ ચતુરાઈથી કરવામાં આવ્યું છે. મારા માટે આ ચિંતાનો વિષય છે. મેં આ મુદ્દો ઉઠાવવાનો પ્રયાસ કર્યો, પરંતુ મને તક આપવામાં આવી ન હતી.
આ પણ વાંચો: Cricket/ ICCએ ત્રણ ભારતીયો સહિત આઠ લોકોને સસ્પેન્ડ કર્યા
આ પણ વાંચો: ટૂંકા કપડાં હોસ્ટેલમાં?/ સૌરાષ્ટ્ર યુનિવર્સિટીનો તઘલખી નિર્ણય, ગર્લ્સ હોસ્ટેલમાં ટૂંકા વસ્ત્રો નહીં પહેરી શકાય
આ પણ વાંચો: Social Media Use/ કર્ણાટક હાઈકોર્ટની મહત્વપૂર્ણ ટિપ્પણી,”બાળકોને સો. મીડિયાની લત લાગી રહી છે”
