દેશમાં કોરોનાની બીજી લહેર ઘાતક નીવડી હતી. રોજ ત્રણ લાખ કરતાં વધારે નવા કેસો સામે આવી રહ્યા હતા. જેમાં છેલ્લા કેટલાક દિવસોથી ઘટાડો જોવા મળી રહ્યો છે.દેશમાં ધીમે ધીમે કોરોના કેસમાં નોંધપાત્ર ઘટાડો જોવા મળી રહ્યો છે. સરકારના કડક વલણ બાદ કોરોના કાબુમાં આવ્યો હોય તેવું નજરે પડી રહ્યું છે.
દેશમાં સેકન્ડ વેવની ઊલટી ગણતરી શરૂ થઈ ચૂકી છે.24 કલાકમાં નવા કેસ ઘટીને દોઢ લાખ થવા પામ્યા છે.જ્યારેરિકવરી 24 કલાકમાં સવા બે લાખ પર પહોંચી ચૂકી છે. આ સાથે એક્ટિવ કેસ નો આંકડો 20.50 લાખની પણ અંદર પહોંચી ચૂક્યો છે.
દેશમાં કુલ કેસ 2.80 કરોડને પાર પહોંચી ચૂક્યો છે.જ્યારે વધુ 3110 લોકોના મોત નિપજ્યા છે.જેના કારણે હવે કુલ મૃત્યુઆંક 3.29.108 થયો છે. કુલ કેસનો આંકડો 2.80 કરોડને પાર પહોંચ્યો છે.
દેશના વિવિધ રાજ્યોમાં કોરોનાના નવા કેસ પર નજર કરીએ તો સૌથી વધુ તામિલનાડુમાં 28.864 કેસ ત્યારબાદ કર્ણાટકમાં 20.378 કેસ, કેરળમાં 19.894 કેસ, મહારાષ્ટ્રમાં 18.600 કેસ, આંધ્રપ્રદેશમાં 13.400 કેસ, પશ્ચિમ બંગાળમાં 11.284 કેસ નોંધાયા છે.
