Uttarpradesh News ; ઉત્તર પ્રદેશના પ્રયાગરાજમાં મહા કુંભ 2025ની તૈયારીઓ પૂરજોશમાં ચાલી રહી છે. મહા કુંભ મેળા માટે આકાશથી લઈને નદીના ઉંડાણ સુધી સુરક્ષા વ્યવસ્થા કરવામાં આવી છે. સંસ્કૃતિ મંત્રાલયે રવિવારે જણાવ્યું હતું કે, પ્રયાગરાજ મહાકુંભ દરમિયાન સંગમ વિસ્તારમાં 24 કલાક દેખરેખ માટે પ્રથમ વખત 100 મીટર સુધી ડાઇવિંગ કરવા સક્ષમ ‘અંડરવોટર ડ્રોન’ તૈનાત કરવામાં આવશે.
યાત્રાળુઓ અને અન્ય મુલાકાતીઓની સુવિધા માટે ભારતની સંસ્કૃતિ અને વિવિધતાને પ્રદર્શિત કરવા માટે 92 રસ્તાઓનું નવીનીકરણ, 30 પોન્ટૂન બ્રિજનું નિર્માણ અને 800 બહુભાષી સંકેતોની સ્થાપના કરવામાં આવી રહી છે, એમ મંત્રાલયે જણાવ્યું હતું. વડા પ્રધાન નરેન્દ્ર મોદીના નેતૃત્વ હેઠળ યુપી સરકાર પ્રયાગરાજમાં મહાકુંભ 2025 એક ભવ્ય, સલામત અને આધ્યાત્મિક રીતે સમૃદ્ધ બને તે માટે તૈયારીઓ કરી રહી છે.3 જાન્યુઆરીથી 26 ફેબ્રુઆરી સુધી ચાલનારા આ 45 દિવસના મેળામાં વિશ્વભરમાંથી 40 કરોડથી વધુ ભક્તો આવવાની અપેક્ષા છે.
તે ભારતની સમૃદ્ધ સાંસ્કૃતિક વારસો અને આધ્યાત્મિક પરંપરાઓનું પ્રદર્શન કરશે. સંસ્કૃતિ મંત્રાલયે જણાવ્યું હતું કે, પ્રથમ વખત, 100 મીટર સુધી ડાઇવિંગ કરવામાં સક્ષમ અંડરવોટર ડ્રોન સંગમ વિસ્તારમાં સર્વેલન્સ કરશે.મેળાના વિસ્તારમાં 2,700 કેમેરા લગાવવામાં આવશે. 56 સાયબર વોરિયર્સની ટીમ ઓનલાઈન ધમકીઓ પર નજર રાખશે.
તમામ પોલીસ સ્ટેશનોમાં સાયબર હેલ્પ ડેસ્કની સ્થાપના કરવામાં આવી રહી છે. મંત્રાલયે કહ્યું કે ‘મહા કુંભ નગર’ને હજારો ટેન્ટ અને આશ્રયસ્થાનો સાથે અસ્થાયી શહેરમાં ફેરવવામાં આવી રહ્યું છે. 400 થી વધુ પ્રોજેક્ટ પૂર્ણ થયા છે અને બાકીના પ્રોજેક્ટ 31 ડિસેમ્બર સુધીમાં તૈયાર થઈ જશે.
આ પણ વાંચો:અયોધ્યા જતી ટ્રેનનો રૂટ ડાયવર્ઝન થતાં વંદે ભારત એક્સપ્રેસમાં 150 મુસાફરો ફસાયા
આ પણ વાંચો:શ્રી રામ જન્મભૂમિ – મા શબરી સ્મૃતિ યાત્રા યોજના હેઠળ મળશે અયોધ્યા દર્શનનો લાભ
આ પણ વાંચો:ઉત્તર પ્રદેશમાં ત્રણ ગુજરાતીઓનું અકસ્માતમાં મોત, અમદાવાદથી જઈ રહી હતી અયોધ્યા
