ભારતમાં ઝેરી દારૂના સેવનથી છેલ્લા છ વર્ષમાં લગભગ સાત હજાર લોકોના મોત થયા છે અને મૃત્યુના સૌથી વધુ કેસ મધ્યપ્રદેશ, કર્ણાટક અને પંજાબમાં નોંધાયા છે. નેશનલ ક્રાઈમ રેકોર્ડ બ્યુરો (NCRB)ના ડેટા પરથી આ માહિતી મળી છે. નોંધનીય છે કે બિહારમાં છેલ્લા બે-ત્રણ દિવસમાં ઝેરી દારૂના કારણે 30 થી વધુ લોકોના મોત થયા છે, જ્યારે રાજ્યમાં 2016 થી સંપૂર્ણ પ્રતિબંધ અમલમાં છે.

NCRBના એક રિપોર્ટ અનુસાર, ભારતમાં નકલી દારૂના સેવનથી છેલ્લા છ વર્ષમાં લગભગ સાત હજાર લોકોના મોત થયા છે. સૌથી વધુ મૃત્યુ મધ્યપ્રદેશ, કર્ણાટક અને પંજાબમાં નોંધાયા છે. બ્યુરોના ડેટા અનુસાર, વર્ષ 2016માં દેશમાં ઝેરી  દારૂના કારણે  1,054 મૃત્યુ  નોંધાયા હતા, જ્યારે વર્ષ 2017માં 1,510, વર્ષ 2018માં 1,365, વર્ષ 2019માં 1,296 અને વર્ષ 2020માં 1,294 લોકોના મોત નિપજ્યા હતા.

 દેશભરમાં ઝેરી  દારૂના સેવનથી સંબંધિત 708 ઘટનાઓમાં 782 લોકોના મોત થયા હતા. આ સમયગાળા દરમિયાન ઉત્તર પ્રદેશમાં સૌથી વધુ 137, પંજાબમાં 127 અને મધ્ય પ્રદેશમાં 108 લોકોના મોત થયા છે. NCRB અનુસાર, 2016 થી 2021 સુધીના છ વર્ષના ગાળામાં નકલી દારૂએ ભારતમાં કુલ 6,954 લોકોના જીવ લીધા હતા. આ રીતે જોઈએ તો દેશમાં દરરોજ સરેરાશ ત્રણથી વધુ લોકો નકલી દારૂના સેવનથી મૃત્યુ પામી રહ્યા છે. ડેટા અનુસાર, 2016 અને 2021 ની વચ્ચે, મધ્યપ્રદેશમાં સૌથી વધુ 1,322 મૃત્યુ થયા હતા, ત્યારબાદ કર્ણાટકમાં 1,013 અને પંજાબમાં 852 2016 અને 2021 વચ્ચેના સમાન સમયગાળા દરમિયાન થયા હતા