પ્રોડ્યુસર રિતેશ સિધવાનીએ તાજેતરમાં ‘ડોન 3’ને લઈને એક મોટું અપડેટ આપ્યું છે. રિતેશ સિધવાનીએ કહ્યું હતું કે ફરહાન અખ્તર ‘ડોન 3’ની સ્ટોરી લખી રહ્યો છે અને શાહરૂખ ખાન મુખ્ય ભૂમિકામાં જોવા મળશે. પરંતુ હવે જે અપડેટ આવ્યું છે તેનાથી આખી ગેમ પલટાઈ ગઈ છે. મળતી માહિતી મુજબ શાહરૂખ ખાન હવે ‘ડોન 3’ ની સીક્વલમાં કામ નહિ કરે. અને તેથી હવે આ ફિલ્મના ડાયરેક્ટર ફરહાનએ આ ફિલ્મ અન્ય એકટર સાથે બનાવશે.
ડોન 3નું કન્ફોર્મેશન આવ્યું ત્યારથી તે ટ્વિટર પર ટ્રેન્ડ કરી રહ્યું હતું. ચાહકો ખુબ જ ઉત્સુક હતા શાહરૂખ ખાનને ડોનના રોલમાં જોવા માટે, પરંતુ મળતી માહિતી અનુસાર શાહરૂખે પ્રોજેક્ટમાંથી એક્ઝિટ લઈ લીધી છે.
સાંભળવામાં આવી રહ્યું છે કે શાહરૂખ આ સમયે ફરીથી ડોન તરીકે પાછા ફરવા માટે ઉત્સાહિત નથી. શાહરૂખ હવે માત્ર દર્શકોને પસંદ આવે તેવી કોમર્શિયલ ફિલ્મો કરવા માંગે છે. એટલે કે તે અત્યારે જેવી ફિલ્મો કરવા માંગે છે તે ફિલ્મોમાં ‘ડોન’ ફિટ થતી નથી. અહેવાલો અનુસાર શાહરૂખે ફરહાન અને રિતેશ સિધવાનીના એક્સેલ એન્ટરટેઈનમેન્ટને પોતાના નિર્ણયની જાણ કરી દીધી છે.
તે જાણીતું છે કે ‘ડોન’ ફ્રેન્ચાઇઝીને મોટી બનાવવા માટે, ફરહાન અખ્તર અને રિતેશ સિધવાનીએ ડોનની ત્રણેય પેઢીઓને સાથે લાવવાનું નક્કી કર્યું હતું. તેનો નિર્ણય અમિતાભ બચ્ચન, શાહરૂખ ખાન અને આગામી પેઢીના કોઈપણ સ્ટારને ફિલ્મમાં સાથે લાવવાનો હતો. પરંતુ શાહરૂખ ખાનને આ ‘ડોન’ બ્રહ્માંડનો વિચાર હાસ્યાસ્પદ લાગ્યો અને તેણે નાપસંદ કરવાનો નિર્ણય લીધો.
હવે ફરહાન અખ્તર ‘ડોન’ રીબૂટ માટે નવી સ્ક્રિપ્ટ પર કામ કરી રહ્યો છે, જેમાં શાહરૂખ ખાન નહીં હોય. આમાં બીજો લીડ હીરો હશે. શાહરૂખની વાત કરીએ તો તે ટૂંક સમયમાં જ ‘જવાન’ અને ‘ડંકી’માં જોવા મળશે. થોડા સમય પહેલા તે ‘પઠાણ’માં જોવા મળ્યો હતો, જેણે બોક્સ ઓફિસ પર રેકોર્ડ તોડ્યા હતા
