Shamlaji Mahotsav 2026: અરવલ્લી જિલ્લાના સુપ્રસિદ્ધ યાત્રાધામ શામળાજી ખાતે આયોજિત બે દિવસીય ‘શામળાજી મહોત્સવ-2026’નું ભવ્ય સમાપન થયું છે. મહોત્સવના બીજા દિવસે મુખ્યમંત્રી ભૂપેન્દ્ર પટેલે ભગવાન શામળિયાના શરણે શીશ ઝુકાવી આશીર્વાદ મેળવ્યા હતા. આ તકે તેમણે જિલ્લાના વિકાસ માટે રૂ. 167.85 કરોડના વિકાસકાર્યોનું લોકાર્પણ અને ખાતમુહૂર્ત કરી પ્રજાને મોટી ભેટ આપી હતી.
Shamlaji Mahotsavમાં ભક્તિ અને સંસ્કૃતિનો અદ્ભુત સંગમ
8 અને 9 જાન્યુઆરી દરમિયાન આયોજિત આ Shamlaji Mahotsav 2026 માં ભક્તિ, શક્તિ અને સંસ્કૃતિનો ત્રિવેણી સંગમ જોવા મળ્યો હતો. મુખ્યમંત્રીએ જણાવ્યું હતું કે, આવા ઉત્સવો આપણી સાંસ્કૃતિક વિરાસતને જીવંત રાખે છે અને પ્રવાસનને વેગ આપે છે. મહોત્સવના સમાપન સમારોહમાં મોટી સંખ્યામાં શ્રદ્ધાળુઓ અને પ્રવાસીઓ ઉમટી પડ્યા હતા.
ઓસમાણ મીર અને કિંજલ દવેના સૂર રેલાયા
મહોત્સવની સાંસ્કૃતિક સાંજમાં ગુજરાતના ખ્યાતનામ કલાકારો ઓસમાણ મીર અને કિંજલ દવેએ પોતાની ગાયકીથી શ્રોતાઓને ભક્તિરસમાં તરબોળ કર્યા હતા. ભજનો અને લોકગીતોની રમઝટ વચ્ચે આખું મંદિર પ્રાંગણ ભક્તિમય બની ગયું હતું. મુખ્યમંત્રીએ પણ કલાકારોની પ્રસ્તુતિને બિરદાવી હતી.
અરવલ્લીના વિકાસને મળશે નવી ગતિ
મુખ્યમંત્રીના હસ્તે રૂ. 167.85 કરોડના વિકાસકાર્યોનું લોકાર્પણ અને ખાતમુહૂર્ત કરવામાં આવ્યું છે. આ વિકાસકાર્યોમાં માળખાગત સુવિધાઓ, રસ્તા અને પાણી પુરવઠાના પ્રોજેક્ટ્સનો સમાવેશ થાય છે, જેનાથી અરવલ્લી જિલ્લાના સર્વાંગી વિકાસને મોટો વેગ મળશે.
આ પણ વાંચો:શામળાજીમાં જન્માષ્ટમી મહોત્સવની શ્રદ્ધાપૂર્વક ઉજવણી, જાણો મંદિરમાં દર્શનનો સમય
આ પણ વાંચો:શામળાજીમાં વરસાદી માહોલ, 15 દિવસના વિરામ બાદ ગાજવિજ સાથે વરસાદ
આ પણ વાંચો:શામળાજી મંદિરમાં ભગવાનને 400 ગ્રામ સોનાની પાદુકા અર્પણ કરાઈ, ભક્તની અનોખી શ્રદ્ધા
