Bangladesh News : બાંગ્લાદેશમાં હિંસા (Bangladesh Protests) સતત ચાલુ છે. શરીફ ઉસ્માન હાદીની હત્યા બાદ, અજાણ્યા હુમલાખોરોએ નેશનાલિસ્ટ સિટીઝન્સ પાર્ટી (NCP) ના ખુલના વડા મોહમ્મદ મોતાલેબ સિકંદર ( Muhammad Motaleb Sikdar)ને ગોળી મારી દીધી છે. સોનાડાંગા વિસ્તારમાં સિકદરને ધોળા દિવસે ગોળી મારી દેવામાં આવી હતી. હોસ્પિટલના સૂત્રોના જણાવ્યા અનુસાર, તેમને ગંભીર હાલતમાં ખુલના મેડિકલ કોલેજ હોસ્પિટલમાં લઈ જવામાં આવ્યા હતા.
હસીના વિરુદ્ધ આંદોલન બાદ NCP ની રચના કરવામાં આવી હતી.
બાંગ્લાદેશના ભૂતપૂર્વ વડાપ્રધાન શેખ હસીના (Sheikh Hasina) વિરુદ્ધ આંદોલન બાદ નેશનાલિસ્ટ સિટીઝન્સ પાર્ટી (NCP)ની રચના કરવામાં આવી હતી. આ પાર્ટીમાં હસીના વિરુદ્ધ આંદોલન કરનારાઓના સભ્યોનો સમાવેશ થાય છે. ઢાકા યુનિવર્સિટીના વિદ્યાર્થીઓ મોટી સંખ્યામાં આ પાર્ટી સાથે જોડાયેલા છે. આ પાર્ટી બાંગ્લાદેશ (Bangladesh)માં પહેલીવાર ચૂંટણી લડી રહી છે.
મજૂર રરેલીનું આયોજન કરી રહ્યા હતા…
હુમલો થયો ત્યારે મોતાલેબ સિકદર ખુલનામાં પાર્ટી માટે એક વિભાગીય મજૂર રેલીનું આયોજન કરવાનું કામ કરી રહ્યા હતા, જે ટૂંક સમયમાં થવાની હતી. સિકદરને માથાના ડાબા ભાગમાં ગોળી વાગી હતી. NCPના ખુલના મેટ્રોપોલિટન યુનિટના આયોજક સૈફ નવાઝે જણાવ્યું હતું કે સિકદર એક કેન્દ્રીય આયોજક છે અને NCPની મજૂર પાંખ, રાષ્ટ્રીય શ્રમિક શક્તિના ખુલના વિભાગીય કન્વીનર છે.
ઘટનાસ્થળે પોલીસ તૈનાત
સોનાડાંગા મોડેલ પોલીસ સ્ટેશનના પ્રભારી અધિકારી અનિમેશ મંડલે જણાવ્યું હતું કે સિકદરને બદમાશોએ ગોળી મારી હતી અને સ્થાનિક લોકોએ તેને બચાવી લીધો હતો. સિકદરને તાત્કાલિક હોસ્પિટલમાં લઈ જવામાં આવ્યો હતો. ઘટનાસ્થળે પોલીસ તૈનાત કરવામાં આવી છે. પોલીસ અધિકારીએ કહ્યું કે તપાસ પછી વધુ માહિતી શેર કરવામાં આવશે.
આ પણ વાંચો:શેખ હસીનાના ભાષણ વચ્ચે બાંગ્લાદેશમાં હિંસા ફાટી નીકળી, ટોળાએ શેખ મુજીબુર રહેમાનનું ઘર સળગાવી દીધું
આ પણ વાંચો:બાંગ્લાદેશમાં ઉસ્માન હાદીના મોત બાદ હિંસા ફાટી નીકળી, ભારતીય મિશન પર હુમલો
આ પણ વાંચો:બાંગ્લાદેશમાં ફરી હિંસા ભડકી, એરબેઝ પર ઉપદ્રવિયોએ હુમલો કર્યો, 1નું મોત
