બોલિવૂડ અભિનેત્રી શિલ્પા શેટ્ટી વિશે મીડિયામાં એક નવા સમાચાર સામે આવ્યા છે. અહેવાલો અનુસાર, શિલ્પા તેના બાળકો સાથે પતિ રાજ કુન્દ્રાથી અલગ રહેવાનું વિચારી રહી છે. હકીકતમાં, શિલ્પાના પતિ રાજ કુન્દ્રાની ક્રાઈમ બ્રાંચે 19 જુલાઈ 2021 ના રોજ પોર્ન ફિલ્મો બનાવવા અને એપ પર રજૂ કરવા બદલ ધરપકડ કરી હતી.
ધરપકડ બાદથી રાજ કુન્દ્રા ન્યાયિક કસ્ટડીમાં છે અને સતત તે જામીન મેળવવા પ્રયાસ કરી રહ્યો છે. આ કેસની રાજની પત્ની શિલ્પા શેટ્ટીના વ્યક્તિગત અને વ્યવસાયિક જીવન બંને પર ઊંડી અસર પડી છે. જો કે, અત્યારે શિલ્પા શેટ્ટીની ટીમે આવા અહેવાલોને નકારતા કહ્યું છે કે, રાજ અને શિલ્પા વચ્ચે આવું કશું થતું નથી.
શિલ્પા રાજ કુન્દ્રાના પૈસાને સ્પર્શ કરવા માંગતી નથી
જો અહેવાલો પર વિશ્વાસ કરવામાં આવે તો શિલ્પાના એક મિત્રએ કહ્યું કે રાજ કુન્દ્રાની મુશ્કેલીઓ ઓછી થવાનું નામ નથી લઈ રહી. સાથે જ તેણે એ પણ ખુલાસો કર્યો કે રાજનું રહસ્ય સામે આવ્યા બાદથી શિલ્પા આઘાતમાં છે. શિલ્પાના મિત્રએ કહ્યું કે, “શિલ્પાને ખ્યાલ નહોતો કે આ હીરાજવેરાત અને ડુપ્લેક્સ અપ્રમાણિકતની કમાણી માંથી આવી રહ્યા છે.” તેણીએ ઉમેર્યું, “શિલ્પા રાજ કુન્દ્રાના પૈસાને સ્પર્શ કરવા પણ માંગતી નથી. શિલ્પા કામ કરે છે અને તે તેના બાળકોની સંભાળ રાખવા માટે પૂરતી છે.”
તેના મિત્રએ એમ પણ કહ્યું કે શિલ્પાએ ઇન્ડસ્ટ્રીમાં દરેકને કહ્યું છે કે તે ‘હંગામા 2’ અને ‘નિકમ્મા’ પછી ફિલ્મો કરવા માટે તૈયાર છે. અનુરાગ બાસુ અને પ્રિયદર્શને પહેલેથી જ તેમને તેમની ફિલ્મો માટે ભૂમિકાઓ ઓફર કરી છે.
શિલ્પા પ્રેરક પોસ્ટ શેર કરી રહી છે
શિલ્પા શેટ્ટી આજકાલ સોશિયલ મીડિયા પર ખૂબ જ એક્ટિવ છે. વિવાદ વચ્ચે અભિનેત્રી સતત પ્રેરક પોસ્ટ્સ શેર કરી રહી છે. તાજેતરમાં, અભિનેત્રીએ ‘સુપર ડાન્સર ચેપ્ટર 4’ માંથી તેના લુકનો ગ્લેમરસ ફોટો પણ શેર કર્યો હતો, જેમાં તેણે ઇન્ડો-વેસ્ટર્ન સ્ટાઇલની ડિઝાઇનર સાડી પહેરી હતી.
Bollywood / જન્માષ્ટમી પર પ્રભાસે ચાહકોને આપી ખાસ ભેટ, આગામી ફિલ્મનું પોસ્ટર આવ્યું સામે
