Rajkot News:રાજકોટ (Rajkot) શહેરમાં એક ચોંકાવનારો કિસ્સો સામે આવ્યો છે, જેમાં પૂર્વ પોલીસ ઇન્સ્પેક્ટર (PI) વી.જે. ફર્નાન્ડીઝ વિરુદ્ધ દુષ્કર્મ (Misdemeanor) ની ફરિયાદ નોંધાઈ છે. આ ફરિયાદ 41 વર્ષીય મહિલા ટ્રાફિક વોર્ડન દ્વારા રાજકોટના મહિલા પોલીસ સ્ટેશન (Police station) ખાતે નોંધાવવામાં આવી છે. આ ઘટનાએ પોલીસ વિભાગ અને સમાજમાં ખળભળાટ મચાવી દીધો છે.
ફરિયાદમાં જણાવવામાં આવ્યું છે કે વી.જે. ફર્નાન્ડીઝે મહિલા ટ્રાફિક વોર્ડન સાથે મિત્રતા કેળવી હતી અને લગ્નની લાલચ આપીને તેની સાથે અવારનવાર દુષ્કર્મ આચર્યું હતું. આ ઘટનાઓ 2019થી 2022 સુધીના સમયગાળા દરમિયાન બની હોવાનું ફરિયાદમાં ઉલ્લેખવામાં આવ્યું છે. મહિલાએ આક્ષેપ કર્યો છે કે ફર્નાન્ડીઝે તેનો વિશ્વાસ જીતીને શારીરિક શોષણ કર્યું હતું.
વી.જે. ફર્નાન્ડીઝ રાજકોટમાં ફરજ બજાવી ચૂક્યા છે અને ત્યારબાદ તેઓ અમદાવાદ ખાતે ઓપરેશન ગંગાજળ હેઠળ ફરજ બજાવતા હતા. જોકે, જૂન 2025માં તેમને ફરજિયાત નિવૃત્તિ આપવામાં આવી હતી. ફર્નાન્ડીઝની નિવૃત્તિનો આ નિર્ણય પણ ચર્ચાનો વિષય બન્યો હતો, અને હવે આ ફરિયાદે તેમની સામેના આક્ષેપોને વધુ ગંભીર બનાવ્યા છે.
મહિલા પોલીસ સ્ટેશન ખાતે નોંધાયેલી આ ફરિયાદના આધારે પોલીસે તપાસ શરૂ કરી છે. આરોપોની ગંભીરતાને ધ્યાનમાં રાખીને પોલીસ વિભાગ આ મામલે ઝડપથી કાર્યવાહી કરી રહ્યું છે. ફરિયાદમાં ઉલ્લેખાયેલી વિગતોની પુષ્ટિ કરવા માટે પોલીસે વિવિધ પુરાવાઓ અને સાક્ષીઓની શોધખોળ શરૂ કરી છે.
આ પણ વાંચો:રાજકોટ રેન્જના સાયબર ક્રાઇમ સંબંધી ગુનાહ ઉકેલવામાં સાયબર પોલીસ સ્ટેશન મહત્વની ભૂમિકા ભજવશે!
આ પણ વાંચો:રાજકોટ : આધારકાર્ડમાં નામ-સરનામાં બદલવાનું કૌભાંડ, 6 શખ્સો ઝડપાયા
આ પણ વાંચો:રાજકોટના રીબડા ગામે મોડી રાત્રે ફાયરિંગની ઘટના, પોલીસ તપાસમાં લાગી
