આ દિવસોમાં શ્વેતા તિવારીની પ્રિય પલક તિવારી સફળતાના દરેક પગથિયાં ચડતી જોવા મળે છે. તાજેતરમાં જ તેણે સોશિયલ મીડિયા પર તેના નવા ગીત ‘મંગતા હૈ ક્યા’નું ટીઝર શેર કર્યું છે. આ ગીતમાં પલક તિવારી સાથે અભિનેતા આદિત્ય સીલ પણ જોવા મળી રહ્યો છે. એક નાની ક્લિપમાં બંનેની કેમેસ્ટ્રી જોવા મળી રહી છે. ગીતનું ટીઝર શેર કરતા પલક તિવારીએ જણાવ્યું છે કે આખું ગીત 22 એપ્રિલે યુટ્યુબ પર રિલીઝ કરવામાં આવશે. સૌથી મજાની વાત તો એ છે કે આ ગીત સાંભળીને દરેક જણ દંગ રહી જાય છે.
કારણ કે મંગતા હૈ ક્યા ગીત રંગીલા ફિલ્મમાં ઉર્મિલા માતોંડકર અને આમિર ખાન પર ચિત્રિત કરવામાં આવ્યું હતું. આ ગીત તે સમયે ખૂબ જ પસંદ કરવામાં આવ્યું હતું. રંગીલા ફિલ્મ ઉર્મિલા માતોંડકરની ટોચની ફિલ્મોમાંની એક છે. હવે જ્યારે પલક તિવારી તે ગીતની રિમેકમાં જોવા મળી રહી છે, ત્યારે દરેક લોકો પોતપોતાની પ્રતિક્રિયા આપી રહ્યું છે. જોકે, પલક તિવારીની માતા અને અભિનેત્રી શ્વેતા તિવારીની પ્રતિક્રિયાએ સૌથી વધુ ધ્યાન ખેંચ્યું છે.
આ ટીઝર જોયા પછી, શ્વેતા તિવારીએ પ્રતિક્રિયા આપી અને લખ્યું – ઓહ માય ગોડ… માય બેબી. તે જ સમયે, કેટલાક લોકોએ Stunning અને Amazing જેવી ટિપ્પણીઓ કરતા જોવા મળે છે. તો કેટલાક રિમેક પર નેગેટિવ રિએક્શન આપતા પણ જોવા મળે છે. અત્યાર સુધીમાં આ ગીતના ટીઝરને 2 લાખથી વધુ વ્યુઝ મળી ચૂક્યા છે. આના પરથી તમે અંદાજ લગાવી શકો છો કે પલક કેવી રીતે ફેન્સનું દિલ જીતી રહી છે.
