સિદ્ધાર્થ શુક્લા હાલમાં તેના આગામી પ્રોજેક્ટ માટે શહનાઝ ગિલ સાથે ચંદીગઢમાં છે. આ દરમિયાન તેણે તેનો એક ફોટો સોશિયલ મીડિયા પર શેર કર્યો છે, જેમાં તેના કપાળ પર લાલ બિંદી લાગયેલો જોવા મળી રહ્યો છે. તેનો આ ફોટો ઇન્ટરનેટ પર ઝડપથી વાયરલ થઈ રહ્યો છે અને ચાહકોએ જાણવાની કોશિશ કરી રહ્યા છે કે સિદ્ધાર્થે આવી તસ્વીર કેમ શેર કરી છે.
હકીકતમાં, અક્ષય કુમારની બહુપ્રતિક્ષિત ફિલ્મ ‘લક્ષ્મી’ 9 નવેમ્બરના રોજ રીલિઝ થઈ રહી છે. આ ફિલ્મમાં અક્ષય ટ્રાન્સજેન્ડરની ભૂમિકા નિભાવી રહ્યો છે. ફિલ્મની રિલીઝ પહેલા અક્ષય સોશિયલ મીડિયા પર જબરદસ્ત પ્રમોશન કરી રહ્યો છે. તે જ સમયે, તે ફિલ્મમાં ભજવેલ ટ્રાન્સજેન્ડર પાત્રને સ્વીકૃતિ અને આદર આપવાની પણ વાત કરી રહ્યો છે. દરમિયાન અક્ષયે તેના કપાળ પર લાલ બિંદી સાથેનો ફોટો શેર કર્યો અને અન્ય લોકોને પણ આ અભિયાનમાં જોડાવાની અપીલ કરી છે.
આ પણ વાંચો : જાણો, ટ્રાંસજેન્ડર સમુદાય માટે શું કહ્યું અક્ષય કુમારે, જુઓ વિડીયો
આવી સ્થિતિમાં સિદ્ધાર્થ શુક્લાએ કપાળ પર લાલ બિંદી લગાવીને ફોટો શેર કરતા કેપ્શનમાં લખ્યું હતું કે, “વાસ્તવમાં અક્કી સર (અક્ષય કુમાર) દ્વારા શરૂ કરવામાં આવેલી પહેલ પ્રશંસનીય છે. આપણે એક પગલું આગળ વધીએ અને ત્રીજી લિંગના પ્રતિ પ્રેમ, સ્વીકૃતિ અને સમર્થન બતાવવાનું છે. ચાલો લાલ બિંદી લગાવીએ અને સાથે આવીએ. કારણ કે #AbHamariBaariHai તેમો સાથ આપવાનો, જેમણે આજ સુધી આપણી ખુશીમાં સાથ આપ્યો છે.
આપને જણાવી દઈએ કે સિદ્ધાર્થ શુક્લા અને શહનાઝ ગિલ ફરી એકવાર નવા પ્રોજેક્ટ માટે સાથે કામ કરી રહ્યા છે. આ માટે તે શૂટિંગ માટે ચંદીગઢમાં છે. આ અગાઉ બંને ભૂલા દેગા મ્યુઝિક વીડિયોમાં જોવા મળી ચૂક્યા છે. બિગ બોસ 13 માં આ જોડી સારી પસંદ આવી હતી. ચાહકો તેમને #Sidnaaz કહે છે.
આ પણ વાંચો : ‘ઇશ્કબાઝ’ ફેમ નકુલ મહેતા બનવાનો છે પિતા, પત્ની જાનકી સાથે શેર કર્યો આ વિડીયો
અક્ષયની ફિલ્મ વિશે વાત કરીએ તો અગાઉ તેનું નામ ‘લક્ષ્મી બોમ્બ’ રાખવામાં આવ્યું હતું, જે વિવાદ બાદ બદલીને લક્ષ્મી કરવામાં આવ્યું છે. આ ફિલ્મ ડિજિટલ પ્લેટફોર્મ પર રિલીઝ થઈ રહી છે. આ ફિલ્મનું નિર્માણ શબીના ખાને કર્યું છે.
આ ફિલ્મ તમિળ હોરર ફિલ્મ ‘મુની 2: કંચના’ની હિન્દી રિમેક છે. એવું કહેવામાં આવી રહ્યું છે કે તેની વાર્તા ડરપોક મનુષ્ય રાઘવની આસપાસ ફરે છે. એક ટ્રાંસજેન્ડર આત્મા તેના શરીર પર કબજો કરે છે અને તેના દુશ્મનોથી બદલો લે છે.