Gandhinagar News: સ્ટેટ મોનિટરિંગ સેલ(SMC)ની ટીમે ગાંધીનગરના પેથાપુર પોલીસ સ્ટેશન વિસ્તારમાં સંજરી પાર્ક પાસે સાબરમતી નદીના કિનારે ખુલ્લી જગ્યામાં દરોડો પાડી કાયદેસરની કાર્યવાહી હાથ ધરી હતી. આ દરોડામાં ટીમે 11 જુગારીઓની ધરપકડ કરી 2 લાખથી વધુનો મુદ્દામાલ સહિત કુલ 3.13 લાખનો મુદ્દામાલ કબજે કર્યો છે. આ દરોડા સાથે સ્ટેટ મોનિટરિંગ સેલની ટીમે ગાંધીનગરમાં પેથાપુર પોલીસ સ્ટેશન વિસ્તારમાં સંગઠિત જુગારધામનો પર્દાફાશ કર્યો છે.
સ્ટેટ સર્વેલન્સ સેલની ટીમ આ વિસ્તારમાં પેટ્રોલિંગ કરી રહી હતી. દરમિયાન સંજરી પાર્ક પાસે સાબરમતી નદીના કિનારે લાઈટીંગની સુવિધા ઉભી કરી જુગારનો અડ્ડો ધમધમી રહ્યો હોવાની માહિતી મળી હતી. માહિતીના આધારે સ્ટેટ મોનીટરીંગ સેલની ટીમને બાતમી મળતા સ્થળ પર જઈને જુગારીઓ સર્કલમાં બેસીને જુગાર રમતા જોવા મળ્યા હતા. પોલીસ અચાનક આવી જતાં ગભરાયેલા જુગારીઓમાં નાસભાગ મચી ગઈ હતી. જોકે, આગોતરી તૈયારી સાથે આવેલી સ્ટેટ મોનિટરિંગ સેલની ટીમે તુરંત 11 જુગારીઓને પકડી લીધા હતા.
જુગારીઓની પૂછપરછ કરતાં તેમના નામ ઈમ્તિયાઝ ઉર્ફે બચ્ચન રહીમખાન પઠાણ, પ્રકાશ ઉર્ફે હીતો બેચરાજી મકવાણા, અલ્ફાઝ નસીબમીયા શેખ, રંગુસિંગ રામસિંગ મકવાણા હોવાનું ખુલ્યું હતું. ઇન્દ્રસિંહ રામસિંહ રાજા દેવક, ઈરફાન ઉર્ફે કુંદન ફકીર મહંમદ શેખ વિક્રમસિંહ દિલીપસિંહ મકવાણા, ઝુબેરઅલી સબ્બીરઅલી સૈયદ, કુંવરજી હેમંતજી ઠાકોર, વિષ્ણુ સવજી રાવલ, ઝહીરખાન ઉસ્માન ખાને ફોલાડીને જણાવ્યું હતું.
જ્યારે દરોડા દરમિયાન જુગારધામમાં લાઈટો ગોઠવી રહેલા જગુબેન દંતાણી અને નોકર સોહેલ ખાન નાસી છૂટ્યા બાદ સ્ટેટ સર્વેલન્સ સેલની ટીમે જુગારીઓ પાસેથી રૂ.2 લાખથી વધુની રોકડ, 12 મોબાઈલ ફોન અને બે વાહનો, જુગાર રમવાના સાધનો કબજે કર્યા હતા. કુલ 3 લાખ 13 હજાર 550નો મુદ્દામાલ જપ્ત કર્યા હતા. પેથાપુર પોલીસ સ્ટેશનમાં ગુનો નોંધવામાં આવ્યો છે.
આ પણ વાંચો: જુગારધામ પર પોલીસના દરોડા પડયા, આગળ જે થયું તે વાંચીને તમે ચોંકી જશો
આ પણ વાંચો: લગ્ન પ્રસંગમાં ચાલતા જુગારધામ પર ત્રાટકી પોલીસ, 89 લોકોની કરી ધરપકડ
આ પણ વાંચો: “મનપસંદ” જીમખાનામાંથી પકડાયો પત્તાનો ખેલ, 100થી વધી શકુનિઓ આવ્યા પોલીસની પકડમાં
