સેબીએ હિંડનબર્ગ પર મૂકયો આરોપ

બજાર નિયમન કરતી સંસ્થા સેબીએ અદાણી અને હિંડનબર્ગ કેસમાં નવો ખુલાસો કર્યો છે. સેબીએ ન્યૂયોર્ક હેજ ફંડ મેનેજરને માર્ક કિંગ્ડન અને હિંડનબર્ગ વચ્ચેના સંબંધો પર મોટી માહિતી આપી છે. સેબીએ કહ્યું છે કે હિંડનબર્ગે રિપોર્ટ સાર્વજનિક કરવાના બે મહિના પહેલા માર્ક કિંગ્ડન સાથે શેર કર્યો હતો. જેના કારણે વ્યૂહાત્મક વેપાર દ્વારા જંગી નફો થયો હતો. 46 પાનાની આ કારણ બતાવો નોટિસમાં, SEBIએ કહ્યું છે કે હિંડનબર્ગ અને કિંગ્ડન કેપિટલ મેનેજમેન્ટે મે 2021માં સંશોધન કરાર કર્યો હતો. આ કરાર હેઠળ, જાન્યુઆરી 2023 માં અંતિમ અહેવાલ પ્રકાશિત થાય તે પહેલાં ડ્રાફ્ટ રિપોર્ટ બંને વચ્ચે શેર કરવામાં આવ્યો હતો.

સેબીની નોટિસ દર્શાવે છે કે કિંગડન કેપિટલ, જે કોટક મહિન્દ્રા ઇન્વેસ્ટમેન્ટ લિમિટેડમાં હિસ્સો ધરાવે છે, તેણે જાન્યુઆરી 2023ની ગરબડ દરમિયાન નફો કર્યો હતો. કિંગ્ડન કેપિટલે અદાણી એન્ટરપ્રાઇઝ લિમિટેડમાં ટૂંકી પોઝિશન લેવા માટે $43 મિલિયન ટ્રાન્સફર કર્યા હોવાનું અહેવાલમાં જણાવાયું છે. બાદમાં પોઝિશનથી $22.25 મિલિયનની કમાણી કરી.

હિંડનબર્ગ રિપોર્ટ બાદ અદાણીના શેરમાં ધરખમ ઘટાડો

24 જાન્યુઆરી, 2023ના રોજ પ્રકાશિત હિંડનબર્ગ રિપોર્ટ બાદ અદાણી ગ્રૂપની કંપની અદાણી એન્ટરપ્રાઇઝ લિમિટેડનો શેર રૂ. 3422 થી ઘટીને રૂ. 1404.85 થયો હતો. કંપનીના શેરના ભાવમાં 59 ટકાનો ઘટાડો થયો હતો. સેબીને તેની તપાસમાં જાણવા મળ્યું છે કે કિંગ્ડન દ્વારા નિયંત્રિત કે ઈન્ડિયા ઓપોર્ચ્યુનિટીઝ ફંડે અહેવાલ પ્રકાશિત થયાના થોડા સમય પહેલા જ ટ્રેડિંગ શરૂ કરી દીધું હતું. અને જ્યારે રિપોર્ટના કારણે અદાણીની કંપનીના શેરમાં ઘટાડો થયો ત્યારે તેણે મોટો નફો કર્યો.

તે જ સમયે, કિંગ્ડન કેપિટલે તેના બચાવમાં કહ્યું હતું કે કાયદેસર રીતે તેઓ આવો કરાર કરી શકે છે. ઉપરાંત, રિપોર્ટ સાર્વજનિક થાય તે પહેલાં તેને પ્રાપ્ત કરવાની અને તેના પર પગલાં લેવાની પરવાનગી છે. કોટક મહિન્દ્રા બેંકે કિંગ્ડન અને હિંડનબર્ગ વચ્ચેના સંબંધની જાણકારીને નકારી કાઢી છે.

આ પણ વાંચો:72, 114 અને 144નો નિયમ જાણી લો, રોકાણ કરવામાં સરળતા રહેશે

આ પણ વાંચો:લોનનાં નામે હવે નહીં કરી શકાય છેતરપિંડી, RBIએ બતાવ્યો નવો પ્લાન

આ પણ વાંચો:પર્ફ્યુમથી ન આકર્ષાઈ એક પણ છોકરી, યુવકે કર્યો કેસ