પેરિસ,
પેરિસમાં રમાયેલા ફ્રેંચ ઓપનના ફાઈનલ મુકાબલામાં “કલે કોર્ટ”ના બાદશાહ રાફેલ નડાલે ઓસ્ટ્રિયાના ડોમોનિક થિએમને હરાવી ટાઈટલ પોતાના નામે કર્યું છે. નડાલે ઓસ્ટ્રિયાના ડોમોનિક થિએમને ૬-૪, ૬-૩, ૬-૨થી સીધા સેટોમાં હરાવી ૧૧મી વખત ફાઈનલ જીતી છે અને પોતાનું વર્લ્ડ નંબર ૧નું સ્થાન યથાવત રાખ્યું છે.
બીજી બાજુ ડોમોનિક થિએમ વર્ષ ૧૯૯૫ બાદ ઓસ્ટ્રિયાનો પ્રથમ ખેલાડી બન્યો છે જે કોઈ ગ્રેંડસ્લેમની ફાઈનલ મુકાબલામા પ્રવેશ કર્યો હતો. આ પહેલા ૧૯૯૫માં થોમસ મસ્ટરે ફ્રેંચ ઓપનની ફાઈનલમાં અમેરિકાના માઈકલ ચાંગને ૭-૫, ૬-૨, ૬-૪થી હરાવ્યા હતા.
નડાલે ૧૧મી વખત જીત્યો ફાઈનલ મુકાબલો
વર્ષ વિજેતા ઉપ-વિજેતા
2005 રાફેલ નાડાલ મારિયોનો પુએર્ટા
2006 રાફેલ નાડાલ રોજર ફેડરર
2007 રાફેલ નાડાલ રોજર ફેડરર
2008 રાફેલ નાડાલ રોજર ફેડરર
2010 રાફેલ નાડાલ રોબિન સોડરર્લિંગ
2011 રાફેલ નાડાલ રોબિન સોડરર્લિંગ
2012 રાફેલ નાડાલ નોવાક જોકોવિચ
2013 રાફેલ નાડાલ ડેવિડ ફેરર
2014 રાફેલ નાડાલ નોવાક જોકોવિચ
2017 રાફેલ નાડાલ સ્ટેન વોવરીન્કા
2018 રાફેલ નડાલ ડોમિનિક થિએમ
રોજર ફેડરર બાદ સૌથી વધુ ગ્રેંડસ્લેમ જીતવાનો રેકોર્ડ
સ્વિઝરલેન્ડના સ્ટાર ટેનિસ ખેલાડી રોજર ફેડરર અત્યારસુધીમાં સૌથી વધુ ૨૦ ગ્રેંડસ્લેમ ટાઈટલ પોતાના નામે કરી ચુક્યા છે. ફેડરરે ૬ ઓસ્ટ્રેલિયન ઓપન, ૧ ફ્રેંચ ઓપન, ૮ વિમ્બલડન અને ૫ યુએસ ઓપન પોતાના નામે કર્યા છે.
જયારે સ્પેનના રાફેલ નડાલે ફેડરર બાદ સૌથી વધુ ૧૭ ગ્રેંડસ્લેમ ખિતાબ પોતાના નામે કર્યા છે. નડાલ બાદ પીટ સમ્પ્રાસ ૧૪ ગ્રેંડસ્લેમ ટાઈટલ સાથે ત્રીજા સ્થાને છે.
આ પહેલા શનિવારે રમાયેલા ફ્રેંચ ઓપનના મહિલા સિગલ્સના ફાઈનલ મુકાબલામાં સિમોના હાલેપે અમેરિકાની સ્લોન સ્ટીફેંસને હરાવીને ખિતાબ પોતાના નામે કર્યું હતું.
દુનિયાની નંબર એક ખેલાડી સિમોના હાલેપે પ્રથમ ગ્રેંડસ્લેમ પોતાના નામે કર્યું છે. હાલેપે સ્લોન સ્ટીફેંસને ત્રણ સેટના મુકાબલામાં ૬-૩, ૪-૬, ૬-૧થી હરાવી હતી.