ભારત અને શ્રીલંકા વચ્ચે ટી-20 શ્રેણીની પ્રથમ મેચ રવિવારે ગુવાહાટીમાં રમાશે. આ મેચને લઈને ખાસ સાવચેતી રાખવામાં આવી રહી છે. ક્રિકેટ ચાહકો અહીં બારસાપારા ક્રિકેટ સ્ટેડિયમની અંદર પોસ્ટર, બેનરો અથવા પ્લેકાર્ડ નહિ લઇ જઈ શકે.
આસામ ક્રિકેટ એસોસિએશન (એસીએ) ના સચિવ દેવજીત સાઇકિયાએ જણાવ્યું હતું કે આ સૂચનાનો નાગરિકતા સુધારો અધિનિયમ (સીએએ) ના વિરોધ સાથે કોઈ લેવા-દેવા નથી. ગુવાહાટી પોલીસ અનુસાર- બોર્ડના નિર્ણયને નાગરિકતા કાયદા સાથે કોઈ લેવા-દેવા નથી. આ પ્રતિબંધ માત્ર સુરક્ષા કારણોસર જ મૂકવામાં આવ્યો છે.
બીસીસીઆઈના એક અધિકારીએ જણાવ્યું હતું કે સામાન્ય રીતે શ્રેણીના પ્રાયોજકો દ્વારા ‘4’ અને ‘6’ પ્રિન્ટ્સવાળા પ્લેકાર્ડ્સ બનાવવામાં આવે છે. તેમને મંજૂરી ન આપવા અંગે બોર્ડને હજી સુધી કોઈ માહિતી મળી નથી. અધિકારીએ કહ્યું, “સ્થાનિક અધિકારીઓએ આ અંગે જે કંઇ કહ્યું છે, તે બીસીસીઆઈ તેનું પાલન કરશે.”
મહત્વની વાત એ છે કે ભારત અને શ્રીલંકાની ટીમો ત્રણ મેચની ટી 20 શ્રેણી રમશે. રવિવારે ગુવાહાટી બાદ, બીજી અને ત્રીજી ટી-20 ક્રમશ: ઇન્દોર (7 જાન્યુઆરી) અને પુણે (10 જાન્યુઆરી) માં રમાશે.
સાઇકિયાએ કહ્યું, ‘માત્ર આસામના લોકો જ નહીં, પણ દરેક જણ ચિંતિત છે. તે એક આંતરરાષ્ટ્રીય કાર્યક્રમ છે અને તેમાં સુરક્ષા પગલાં વધારવામાં આવશે. સાઇકિયાએ 2017 માં ગુવાહાટીમાં ટી -20 રમ્યા બાદ ઓસ્ટ્રેલિયાની ટીમ બસની બારી તોડવાની ઘટનાનો પણ ઉલ્લેખ કર્યો હતો.
રમત દરમિયાન ‘4’ અને ‘6’ બતાવતા પ્લેકાર્ડ્સને પણ મંજૂરી આપવામાં આવશે નહીં, કારણ કે તેનો ઉપયોગ ‘જાહેરાતો’ માટે થઈ શકે છે. સાઇકિયાએ કહ્યું કે ‘માર્કર્સ’ પણ અંદર ખસેડી શકાતા નથી. ફક્ત પુરુષોના પર્સ, મહિલાની હેન્ડબેગ, મોબાઈલ ફોન અને વાહન કીઓની મંજૂરી હશે.
સાઇકિયાએ પ્લેકાર્ડ્સ અને પોસ્ટરોથી મેદાન પર પ્રવેશ ન કરવા માટેનું કારણ જણાવતાં કહ્યું કે બીસીસીઆઈ અને બહુરાષ્ટ્રીય પીણા કંપની વચ્ચેનો કરાર પૂરો થયો છે. જેની માહિતી એસીએ દ્વારા આશરે એક અઠવાડિયા પહેલા મળી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
