શનિવાર સવારથી જ રાજ્યમાં વાદળછાયું વાતાવરણ છે, તેમજ વરસાદી માહોલ બનેલો છે. ત્યારે હવામાન વિભાગ, ગુજરાત તરફથી વરસાદ માટેની આગાહી કરવામાં આવી રહી છે. જણાવી દઈએ કે આ વર્ષે રાજ્યમાં છૂટો છવાયો વરસાદ પડ્યો છે. રાજ્યના કેટલાક વિસ્તારમાં મેઘરાજા ની મહેર થઇ હતી, તો ક્યાંક વરસાદી કહેર પણ જોવા મળ્યો હતો.
અપર એર સાયકલોનીક સર્ક્યુલેશનના કારણે ભારે વરસાદની આગાહી
2 દિવસ રહેશે વાદળછાયું વાતાવરણ
વરસાદની આગાહી મળતાં જગતના તાતમાં હરખની લાગણી#Mantavyanews— Mantavya News (@Mantavyanews) September 8, 2018
હવામાન વિભાગ તરફથી આગાહી કરવામાં આવી છે કે આગામી 24 કલાકમાં અપર એર સાયક્લોનિક સર્ક્યુલેશનના કારણે ભારે વરસાદ પડી શકે છે. સૌરાષ્ટ્ર અને દક્ષિણ ગુજરાત વિસ્તાર માટે આ આગાહીઓ કરવામાં આવી છે. જયારે રાજ્યના મધ્ય ગુજરાત તેમજ અન્ય વિસ્તારોમાં સામાન્ય વરસાદની આગાહી કરવામાં આવી છે.
ઉપરાંત હવામાન વિભાગે એવું પણ જણાવ્યું કે રાજ્યમાં આગામી 2 દિવસ સુધી વાદળછાયું વાતવરણ રહેશે.
જણાવી દઈએ કે વરસાદી માહોલ અને હવામાન વિભાગની વરસાદની આગાહીથી જગતનો તાત હરખની લાગણી અનુભવી રહ્યો છે. શનિવારે સવારે અરવલ્લી, બનાસકાંઠા, સાબરકાંઠા વગેરે વિસ્તારોમાં મેઘરાજા નું આગમન થઇ ચૂક્યું છે.
