ભારતીય શેરબજારમાં આજે મિશ્ર શરૂઆત થઈ છે અને સેન્સેક્સ-નિફ્ટી સપાટ સ્તરે ટ્રેડ થઈ રહ્યા છે. સેન્સેક્સ હળવા ઉછાળા સાથે લીલા રંગમાં ખુલ્યો છે અને નિફ્ટી થોડો ઘટીને 22100 ની નીચે સરકી ગયો છે. ઓટોની સાથે IT, બેંકો અને FMCG સૂચકાંકોમાં ઘટાડાથી બજાર નીચે ખેંચાઈ ગયું છે. સ્થાનિક બજારમાં BSE સેન્સેક્સ 19.71 પોઈન્ટના વધારા સાથે 72,727 પોઈન્ટ પર ખુલ્યો છે અને NSEનો 50 શેરનો ઈન્ડેક્સ નિફ્ટી 23 પોઈન્ટના ઘટાડા સાથે 22,099 પોઈન્ટ પર ખુલ્યો છે. પ્રી-ઓપનિંગમાં BSE સેન્સેક્સ 22.53 પોઈન્ટ વધીને 72,730ના સ્તરે અને NSE નિફ્ટી 16.50 પોઈન્ટના ઘટાડા સાથે 22105ના સ્તરે ટ્રેડ થઈ રહ્યો હતો.
સેન્સેક્સના 30 શેરોમાંથી માત્ર 9 શેરો ઉછાળા સાથે ટ્રેડ થઈ રહ્યા છે અને 21 શેરો ઘટાડા સાથે છે. વધતા શેરોમાં પાવરગ્રીડ 2 ટકા અને કોટક મહિન્દ્રા બેન્ક 1.50 ટકા ઉપર છે. અલ્ટ્રાટેક સિમેન્ટ 0.68 ટકા વધ્યો છે. ઘટી રહેલા સેન્સેક્સ શેરોમાં, M&M આજે 1.16 ટકા ઘટ્યો હતો. બજાજ ફિનસર્વ 1.01 ટકા અને ICICI બેન્ક લગભગ 1 ટકાના ઘટાડા સાથે ટ્રેડ કરી રહ્યો છે. નિફ્ટીના 50 શેરોમાંથી 20માં વધારો અને 30માં ઘટાડો જોવા મળી રહ્યો છે. પાવર ગ્રીડ પણ ટોપ ગેઇનર્સમાં છે અને તે 2.17 ટકા વધ્યો છે. કોટક મહિન્દ્રા બેંક 1.45 ટકા અને UPL 1.28 ટકા ઉપર છે. એપોલો હોસ્પિટલ્સ 0.85 ટકા અને ગ્રાસિમનો શેર 0.84 ટકા પર ટ્રેડ થઈ રહ્યો છે.
મીડિયા, મેટલ, ફાર્મા, રિયલ્ટી, કન્ઝ્યુમર ડ્યુરેબલ્સ, ઓટો એન્ડ ગેસ, હેલ્થકેર સૂચકાંકો ઝડપી ગતિએ ટ્રેડ થઈ રહ્યા છે. જોકે, બેન્ક, ઓટો, એફએમસીજી અને આઈટી શેરોમાં ઘટાડાનું લાલ નિશાન વર્ચસ્વ ધરાવે છે. IPOને મળેલા જબરદસ્ત પ્રતિસાદ બાદ વિભોર સ્ટીલના શેરે મંગળવારે બજારમાં શાનદાર પદાર્પણ કર્યું હતું. વિભોર સ્ટીલ ટ્યુબ્સ લિમિટેડના શેર આજે BSE અને NSE પર 180 ટકાથી વધુના બમ્પર પ્રીમિયમ સાથે લિસ્ટ થયા હતા.
આ પણ વાંચોઃઅમેરિકા/ભારતીય મૂળનો આ યુવાન અમેરિકામાં સેનેટની ચૂંટણી લડશે!
આ પણ વાંચોઃદુર્ઘટના/અફઘાનિસ્તાનમાં ભૂસ્ખલન થતા 25 લોકોના મોત, કાટમાળમાં અનેક લોકો દટાયા હોવાની આશંકા
આ પણ વાંચોઃVoting in the UN/ગાઝામાં ઈઝરાયેલ અને હમાસ વચ્ચે યુદ્ધવિરામ થશે? યુએનમાં આવતીકાલે મતદાન થશે, અમેરિકા કરી શકે છે વીટો
