ઉધનામાં યુવતીનો આપઘાત, લોકોએ બનાવ્યો વીડિયો પણ ના બચાવ્યો જીવ

સુરત/ ઉધનામાં યુવતીનો આપઘાત, લોકોએ બનાવ્યો વીડિયો પણ ના બચાવ્યો જીવ

સુરતના ઉધના વિસ્તારમાં આવેલ હરિ નગર સોસાયટીમાં શુભ રેસિડેન્સીમાં રહેતા એક પરિવારની યુવતી અગમ્ય કારણો સર અગાસી પર ચડી ગઈ હતી.

સુરતમાં આપઘાતનો લાઈવ વીડિયો
ઉધનામાં યુવતીની મોતની છલાંગ
10માં માળેથી યુવતીએ લાગાવી છલાંગ
હરિનગર રોડની શુભ રેસીડેન્સીની ઘટના

Surat News: સુરતના ઉધના વિસ્તાર 19 વર્ષીય યુવતીએ 10માં માળેથી જંપલાવ્યું હતું.લોકો યુવતીનો વીડિયો બનાવતા રહ્યા પણ બચાવવા કોઈ ના ગયું આખરે ઉપરથી કૂદી યુવતીએ આપઘાત કરી લીધો હતો..યુવતીના આપઘાતનું કારણ અકબંધ છે. સમગ્ર મામલે પોલીસે તપાસ શરૂ કરી છે.

સુરતના ઉધના વિસ્તારમાં એક યુવતીએ આપઘાત કરી લેતા અરેરાટી વ્યાપી ગઈ હતી.સુરતના ઉધના વિસ્તારમાં આવેલ હરિ નગર સોસાયટીમાં શુભ રેસિડેન્સીમાં રહેતા એક પરિવારની યુવતી અગમ્ય કારણો સર અગાસી પર ચડી ગઈ હતી.જ્યારે યુવતી અગાસી પર પહોંચી ત્યારે ત્યાં ઉભેલા લોકો યુવતીનો વીડિયો બનવતા રહ્યા હતા.લોકોને ખબર હતી કે યુવતી કુંદવા જઈ રહી છે પરંતુ કોઈએ યુવતીને બચાવવાનો પ્રયત્ન કર્યો ન હતો.

યુવતી 10માં માળેથી નીચે પટકાતા માથાના ભાગે ગંભીર ઇજા પહોંચી હતી.અને યુવતીનું ઘટના સ્થળે જ મોત થયું હતું.યુવતીના મોતને પગલે પરિવાર નીચે દોડી આવ્યું હતું.યુવતીના મોતને પગલે પરિવારમાં આક્રંદ જોવા મળ્યો હતો.સમગ્ર મામલે પોલીસને જાણ કરતા પંચનામું કરી લાશની પી એમ અર્થે સિવિલ હોસ્પિટલમાં ખસેડી હતી.યુવતીના આપઘાત કરવા પાછળનું કારણ અકબંધ રહ્યું હતું.હાલ પોલીસે અકસ્માત મોતનો ગુનો નોંધી વધુ તપાસ હાથ ધરી છે.