Surat News: મહિને માત્ર રૂ.15 હજારની કમાણી કરીને પરિવારનું ગુજરાન ચલાવતા 62 વર્ષીય વૃદ્ધ દરજી રેખરાજ ઠાડાને અચાનક રૂ.975 કરોડની આવકવેરા રિકવરી નોટિસ (Surat Income Tax Notice) મળતાં પરિવાર ચોંકી ઉઠ્યો હતો. આરોપ છે કે તેમના PAN કાર્ડ અને અન્ય ઓળખ દસ્તાવેજોનો દુરુપયોગ કરીને સુરતની બોગસ કંપનીઓમાં તેમને ડિરેક્ટર તરીકે દર્શાવવામાં આવ્યા હતા. સૌથી ચોંકાવનારી વાત એ છે કે જ્યાં ડાયમંડ કંપનીનું રજિસ્ટર્ડ સરનામું દર્શાવવામાં આવ્યું હતું, ત્યાં વાસ્તવમાં મશીન રિપેરિંગનું વર્કશોપ ચાલતું હોવાનું સામે આવ્યું છે.

Surat Income Tax Notice: રૂ.15 હજાર કમાતા દરજીને રૂ.975 કરોડની ટેક્સ નોટિસ

રાજસ્થાનના રહેવાસી 62 વર્ષીય રેખરાજ ઠાડા સિલાઈ મશીન ચલાવીને મહિને આશરે રૂ.15 હજાર કમાઈ પરિવારનું ગુજરાન ચલાવે છે. તેમને આવકવેરા વિભાગ તરફથી કરોડો રૂપિયાની ટેક્સ રિકવરી અંગે નોટિસ (975 Crore Tax Notice) મળતાં પરિવાર સ્તબ્ધ થઈ ગયો હતો. નોટિસ મુજબ સુરત સ્થિત એક પ્રાઇવેટ કંપનીના ડિરેક્ટર તરીકે તેમની જવાબદારી નક્કી (Surat Fake Company) કરવામાં આવી હતી. રેખરાજનો દાવો છે કે તેમણે ક્યારેય ગુજરાતમાં આવી કોઈ કંપની ચલાવી નથી કે તેની સાથે કોઈ સંબંધ રાખ્યો નથી.

સુરતની કંપનીના સરનામે મળ્યું મશીન રિપેરિંગ વર્કશોપ

કંપનીના રજિસ્ટર્ડ સરનામાની તપાસ કરતાં ત્યાં દીપક હસમુખ ક્લેટવાલાનો પરિવાર રહેતો હોવાનું સામે આવ્યું હતું. પરિવારના જણાવ્યા અનુસાર તેઓ વર્ષોથી અહીં રહે છે અને સ્થળ પર શ્રીરામ એન્જિનિયરિંગ વર્કશોપ ચલાવે છે. આ વર્કશોપમાં જરીના મશીન અને બરફના ગોલા બનાવવાના સાધનો સહિતના મશીનોનું રિપેરિંગ કામ કરવામાં આવે છે. મકાનમાલિકનો દાવો છે કે અહીં ક્યારેય કોઈ ડાયમંડ કંપની કાર્યરત નહોતી અને કંપનીની તપાસ અથવા વેરિફિકેશન માટે બેંક કે આવકવેરા વિભાગના અધિકારીઓ પણ આવ્યા નહોતા.

એક નહીં, બીજી કંપનીમાં પણ ડિરેક્ટર તરીકે નામ

પરિવારે એક ચાર્ટર્ડ એકાઉન્ટન્ટની મદદથી કંપની બાબતોના મંત્રાલયના રેકોર્ડ તપાસ્યા બાદ વધુ એક ચોંકાવનારી માહિતી સામે આવી હતી. રેખરાજનું નામ માત્ર રૂપ રજત ડાયમંડ નામની કંપનીમાં જ નહીં, પરંતુ સુરતની અન્ય એક કંપની જય બાબેરી ડાયમ પ્રાઇવેટ લિમિટેડમાં પણ ડિરેક્ટર તરીકે (Fake Director Fraud) નોંધાયેલું હોવાનું સામે આવ્યું. પ્રાથમિક રીતે એવી શંકા વ્યક્ત કરવામાં આવી રહી છે કે કોઈએ તેમના PAN કાર્ડ અને ઓળખ દસ્તાવેજોનો દુરુપયોગ કરીને બોગસ કંપનીઓમાં તેમનું નામ નોંધાવ્યું હોઈ શકે છે.

રૂ.2500 કરોડના ટ્રાન્ઝેક્શન સામે રૂ.975 કરોડની ડિમાન્ડ

CA દ્વારા કરવામાં આવેલા પ્રાથમિક વિશ્લેષણ મુજબ, આ નોટિસ કંપનીના બાકી ટેક્સની વસૂલાત ડિરેક્ટર પાસેથી કરવાની જોગવાઈને આધારે આપવામાં આવી હોવાનું જણાવાયું છે. કંપનીના ખાતાઓમાં અંદાજે રૂ.2250 કરોડથી રૂ.2500 કરોડ સુધીના ટર્નઓવર અથવા શંકાસ્પદ ટ્રાન્ઝેક્શનને ધ્યાનમાં રાખીને આકારણી કરવામાં આવી હોવાનું સામે આવ્યું છે. જેમાં આશરે રૂ.750 કરોડનો (Surat Income Tax Notice) ટેક્સ અને રૂ.225 કરોડ જેટલી પેનલ્ટી સહિત કુલ રૂ.975 કરોડની ડિમાન્ડ દર્શાવવામાં આવી હોવાનું જણાવાયું છે.

નોટિસ મળ્યા બાદ ઈ-મેલથી આપ્યો જવાબ

આવકવેરા વિભાગે રેખરાજને નિર્ધારિત તારીખ સુધી સુરતમાં હાજર રહી ખુલાસો કરવા જણાવ્યું હતું. આ મામલે તેમણે ઈ-મેલ મારફતે લેખિત જવાબ મોકલી પોતાની સ્થિતિ રજૂ કરી હોવાનું જણાવાયું છે. આ ઉપરાંત તેમના દસ્તાવેજોનો (Income Tax Recovery Notice) દુરુપયોગ થયો હોવાના આક્ષેપ સાથે સ્થાનિક પોલીસ મથકે ફરિયાદ કરવામાં આવી છે. ત્યારબાદ ઉચ્ચ પોલીસ અધિકારીઓ સમક્ષ પણ રજૂઆત કરીને સમગ્ર મામલાની તપાસ અને ન્યાયની માંગ કરવામાં આવી છે.

તમારી સાથે આવું થાય તો શું કરવું?

જો કોઈ વ્યક્તિને અચાનક એવી કંપની, બિઝનેસ અથવા નાણાકીય વ્યવહાર અંગે નોટિસ મળે કે જેની સાથે તેનો કોઈ સંબંધ નથી, તો મામલાને અવગણવો નહીં. આવી સ્થિતિમાં આ પગલાં ઉપયોગી બની શકે છે: નોટિસની સત્યતા ચકાસો: PAN અને આવકવેરા વિભાગના સત્તાવાર પોર્ટલ અથવા નિષ્ણાતની મદદથી નોટિસ સાચી છે કે નહીં તેની તપાસ કરો.

CA અથવા ટેક્સ વકીલની મદદ લો: નોટિસમાં કઈ કલમ હેઠળ કાર્યવાહી થઈ રહી છે અને જવાબ કેવી રીતે આપવો તેની કાયદાકીય સલાહ લો.
MCA રેકોર્ડ તપાસો: તમારા નામે કોઈ કંપનીમાં ડિરેક્ટરશિપ અથવા અન્ય નોંધણી થઈ છે કે નહીં તેની ચકાસણી કરો.
ઓળખ દસ્તાવેજોના દુરુપયોગની ફરિયાદ કરો: PAN, આધાર અથવા અન્ય દસ્તાવેજોના કથિત દુરુપયોગ અંગે સાયબર ક્રાઇમ અને સંબંધિત પોલીસ સત્તાધિકારીઓ સમક્ષ ફરિયાદ નોંધાવો.
ROC અને સંબંધિત વિભાગ સમક્ષ રજૂઆત કરો: કંપનીમાં તમારું નામ ખોટી રીતે નોંધાયું હોવાનો પુરાવો રજૂ કરો.
દરેક દસ્તાવેજ સાચવી રાખો: નોટિસ, ઈ-મેલ, ફરિયાદની નકલ અને ઓળખ દસ્તાવેજો (Surat Fake Company) સંબંધિત તમામ પુરાવા સુરક્ષિત રાખો.
જરૂર પડે તો કાયદાકીય રાહત લો: યોગ્ય કાનૂની સલાહ બાદ અપીલ, રિટ અથવા અન્ય ઉપલબ્ધ કાયદાકીય ઉપાયનો માર્ગ અપનાવી શકાય છે.

ગરીબ વ્યક્તિના નામે કરોડોની કંપની કેવી રીતે?

આ ઘટના ફરી એકવાર ઓળખ દસ્તાવેજોની સુરક્ષા અને કંપની રજિસ્ટ્રેશન પ્રક્રિયામાં ચકાસણીના મહત્વ પર સવાલો ઉભા કરે છે. કોઈ વ્યક્તિનું નામ કંપનીમાં ડિરેક્ટર તરીકે ખોટી રીતે નોંધાઈ શકે તો તે વ્યક્તિ માટે માત્ર આર્થિક નહીં પરંતુ ગંભીર કાયદાકીય મુશ્કેલી પણ ઊભી થઈ શકે છે. આવા કિસ્સામાં માત્ર મૌખિક રીતે પોતાને નિર્દોષ ગણાવવું પૂરતું નથી. સમયસર સત્તાવાર જવાબ, દસ્તાવેજી પુરાવા અને કાયદાકીય પ્રક્રિયા દ્વારા પોતાની સ્થિતિ સ્પષ્ટ કરવી જરૂરી બની શકે છે.

આ પણ વાંચો: દિવ્યાંગ કર્મચારીઓ માટે બઢતીમાં અનામતનો રસ્તો ખુલ્યો, રાજ્ય સરકારની મોટી પહેલ

આ પણ વાંચો: ગુજરાતમાં હળવા વરસાદની આગાહી

આ પણ વાંચો: રાજ્યમાં GSTનું ઓપરેશન, 11 નકલી પેઢીઓનો પર્દાફાશ; અજયકુમાર શાહની ધરપકડ