Surat News: સુરત શહેરમાં એમ્બ્રોડરી કામદારોની હડતાળ અને વિરોધ વચ્ચે સોશિયલ મીડિયા પર પોલીસને અભદ્ર ભાષા (Police Abuse Video)માં ગાળો આપતો વીડિયો વાયરલ થતાં પોલીસે કાર્યવાહી હાથ ધરી છે. અમરોલી પોલીસ મથકમાં મોનુ યાદવ નામના ઈસમ સામે ગુનો નોંધવામાં આવ્યો છે.
પોલીસના જણાવ્યા મુજબ, Instagram પર અપલોડ કરવામાં આવેલી રીલમાં એક શખ્સ પોલીસ કર્મચારીઓ તેમજ અન્ય લોકોને ઉદ્દેશીને અપશબ્દો બોલતો જોવા મળ્યો હતો. પોલીસ (Police Abuse Video)નું માનવું છે કે આવા વીડિયો અને અભદ્ર ભાષાના ઉપયોગથી જાહેર વાતાવરણ ડહોળાવાનો પ્રયાસ થઈ શકે છે.
હડતાળના માહોલ વચ્ચે પોલીસનું સોશિયલ મીડિયા પર મોનિટરિંગ
સુરત શહેર અને આસપાસના ઔદ્યોગિક વિસ્તારોમાં કારખાનેદારો તથા એમ્બ્રોડરી કામદારો વચ્ચે વિવિધ માંગણીઓને લઈને વિવાદ અને હડતાળનો માહોલ સર્જાયો હતો. આ દરમિયાન કોઈ અસામાજિક તત્વો દ્વારા ઉશ્કેરણીજનક પ્રવૃત્તિ ન થાય તે માટે પોલીસ દ્વારા પેટ્રોલિંગની સાથે સોશિયલ મીડિયા પર પણ નજર રાખવામાં આવી રહી હતી. પોલીસ (Police Abuse Video)ના જણાવ્યા પ્રમાણે, સોશિયલ મીડિયા મોનિટરિંગ દરમિયાન Instagram પર એક વીડિયો પોલીસના ધ્યાને આવ્યો હતો.
Police Abuse Video: વેડરોડ ચોકડી પાસે પેટ્રોલિંગ દરમિયાન વીડિયો મળ્યો
અમરોલી પોલીસ સ્ટેશનમાં ફરજ બજાવતા હેડ કોન્સ્ટેબલ રવિરાજસિંહ હરિસિંહની ફરિયાદના આધારે સમગ્ર કાર્યવાહી કરવામાં આવી છે. પોલીસ સ્ટાફ વેડરોડ ચોકડી પાસે પેટ્રોલિંગ અને સર્વેલન્સમાં હતો ત્યારે monu_yadav નામના Instagram એકાઉન્ટ પરથી પોસ્ટ કરવામાં આવેલી રીલ પોલીસના ધ્યાને આવી હતી. પોલીસના આક્ષેપ મુજબ, વીડિયોમાં પથ્થરમારા બાદ કરવામાં આવેલા લાઠીચાર્જના સમયના દૃશ્યો સાથે એક શખ્સ પોલીસ વિભાગ અને અન્ય લોકોને ઉદ્દેશીને જાહેરમાં અશ્લીલ તથા બીભત્સ ભાષાનો ઉપયોગ કરી રહ્યો હતો.
પોલીસની છબી ખરડવાનો પ્રયાસ હોવાનો આક્ષેપ
પોલીસ ફરિયાદમાં જણાવ્યા મુજબ, સોશિયલ મીડિયા પર આ પ્રકારની અભદ્ર ભાષાનો ઉપયોગ કરવાથી પોલીસ (Police Abuse Video)ની છબી ખરડાવાની સાથે જાહેર શાંતિ અને કાયદો-વ્યવસ્થાની સ્થિતિ પર પણ અસર થવાની શક્યતા હતી. આથી અમરોલી પોલીસે Instagram એકાઉન્ટના ધારક સામે કાયદેસરની કાર્યવાહી શરૂ કરી છે.
મોનુ યાદવ સામે ગુનો નોંધાયો
આ મામલે પોલીસે મોનુ યાદવ નામના ઈસમ સામે ગુનો નોંધ્યો છે. પોલીસ દ્વારા સોશિયલ મીડિયા એકાઉન્ટ, વાયરલ વીડિયો અને તેની પાછળની સમગ્ર હકીકત અંગે વધુ તપાસ હાથ ધરવામાં આવી છે. આ વીડિયો કયા સંજોગોમાં બનાવવામાં આવ્યો હતો અને તેને સોશિયલ મીડિયા પર શા માટે અપલોડ કરવામાં આવ્યો હતો તે અંગે પણ તપાસ કરવામાં આવી રહી છે.
સોશિયલ મીડિયા પર પોલીસની નજર
સુરતમાં હડતાળ અને વિરોધના માહોલ વચ્ચે પોલીસ દ્વારા સોશિયલ મીડિયા પર ખાસ નજર રાખવામાં આવી રહી છે. પોલીસનું કહેવું છે કે કોઈપણ વ્યક્તિ દ્વારા ઉશ્કેરણીજનક અથવા જાહેર શાંતિને અસર કરે તેવી સામગ્રી પ્રસિદ્ધ કરવામાં આવે તો તેની સામે કાયદેસરની કાર્યવાહી થઈ શકે છે. હાલ મોનુ યાદવ સામે નોંધાયેલા ગુનાની તપાસ આગળ ધપાવવામાં આવી રહી છે.
આ પણ વાંચો:સુરત પોલીસ કમિશનરનો સપાટો : એક સાથે 12 PIની બદલી કરી
આ પણ વાંચો:સુરતમાં મેટ્રો ની કામગીરી દરમિયાન ક્રેન તૂટી પડતા સુરત પોલીસ એક્શનમાં
