Surat News: સુરતના વરાછા વિસ્તારમાં ડિજિટલ બ્લેકમેલિંગ (Digital Blackmail)નો ગંભીર મામલો સામે આવ્યો છે. એક મહિલાનો ખાનગી વીડિયો સોશિયલ મીડિયા અને મેસેજિંગ પ્લેટફોર્મ પર શેર કરીને બ્લેકમેલિંગ (Digital Blackmail) કરવાનો તેમજ તેના પરિવારને ધમકી આપવાનો આરોપ લાગતા વરાછા પોલીસે 23 વર્ષીય યુવકની ધરપકડ કરી છે.
પોલીસના જણાવ્યા અનુસાર, આરોપી અને મહિલા અગાઉ એક જ વિસ્તારમાં રહેતા હોવાથી બંને વચ્ચે ઓળખાણ થઈ હતી. બાદમાં બંને વચ્ચે ફોન અને વીડિયો કોલ દ્વારા વાતચીત થતી હતી.
Digital Blackmail: વિશ્વાસનો દુરુપયોગ કરવાનો આરોપ
તપાસ દરમિયાન સામે આવેલી માહિતી મુજબ, એક વીડિયો કોલ દરમિયાન આરોપીએ મહિલાનો વિશ્વાસ જીતી ખાનગી ક્ષણોનો વીડિયો અથવા સ્ક્રીન રેકોર્ડિંગ તેની જાણ વગર સાચવી લીધો હતો. ત્યારબાદ આ સામગ્રીના આધારે મહિલાને દબાણમાં રાખવાનો પ્રયાસ કરવામાં આવ્યો હોવાનો આરોપ છે.
પરિવારને ધમકી આપ્યાનો આક્ષેપ
પોલીસ ફરિયાદ અનુસાર, મહિલાએ સંપર્ક બંધ કરી દીધા બાદ આરોપીએ તેને સતત હેરાન કરવાનું શરૂ કર્યું હતું. મહિલાએ ફરિયાદમાં આરોપ મૂક્યો છે કે આરોપીએ તેના પતિને જાનથી મારી નાખવાની અને પુત્રીને ઉઠાવી લેવાની ધમકી આપી હતી. ઉપરાંત મહિલાનો ખાનગી વીડિયો તેના પતિ અને ભાઈના વોટ્સએપ નંબર પર મોકલ્યો હોવાનો પણ આરોપ છે.
મહિલાની ફરિયાદ બાદ પોલીસ તપાસ
સતત હેરાનગતિથી કંટાળીને મહિલાએ વરાછા પોલીસ સ્ટેશનમાં ફરિયાદ નોંધાવી હતી. કેસની ગંભીરતાને ધ્યાનમાં રાખીને પોલીસે હ્યુમન ઇન્ટેલિજન્સ અને ટેક્નિકલ સર્વેલન્સની મદદથી તપાસ શરૂ કરી હતી.
કોસાડ આવાસમાંથી આરોપીની ધરપકડ
તપાસ દરમિયાન મળેલી માહિતીના આધારે પોલીસે સુરતના અમરોલી વિસ્તારમાં આવેલા કોસાડ આવાસમાંથી આરોપીને ઝડપી પાડ્યો હતો. હાલ તેની સામે ભારતીય ન્યાય સંહિતા (BNS)ની સંબંધિત કલમો તેમજ ઇન્ફોર્મેશન ટેક્નોલોજી એક્ટ (IT Act) હેઠળ ગુનો નોંધી આગળની તપાસ હાથ ધરવામાં આવી છે.
પોલીસની અપીલ
પોલીસે લોકોને સોશિયલ મીડિયા અને વીડિયો કોલ દરમિયાન વ્યક્તિગત માહિતી તથા ખાનગી ક્ષણો શેર કરતી વખતે ખાસ સાવચેતી રાખવાની અપીલ કરી છે. કોઈપણ પ્રકારની ઓનલાઈન બ્લેકમેલિંગ (Digital Blackmail), ધમકી અથવા ખાનગી સામગ્રીનો દુરુપયોગ થાય તો તાત્કાલિક પોલીસ અથવા સાયબર ક્રાઇમ હેલ્પલાઇનનો સંપર્ક કરવાની સલાહ આપવામાં આવી છે.
આ પણ વાંચો:રાજકોટમાં બ્લેકમેલિંગથી કંટાળી આધેડનો આપઘાત, ફોટા વાયરલ કરવાની ધમકી આપી 20 લાખ માંગ્યાનો આક્ષેપ
આ પણ વાંચો:સુરતમાં બ્લેકમેલિંગથી કંટાળીને યુવતીએ કર્યો આપઘાત….
આ પણ વાંચો:વૉશરૂમમાં ચોરીથી બનાવાયો એક્ટ્રેસનો વીડિયો, કન્નડ અભિનેત્રીએ બ્લેકમેલિંગનો લગાવ્યો આરોપ
