ડોડોમા,
તન્ઝાનિયામાં એક મિની બસ અને ટ્રક વચ્ચે થયેલ ગમખ્વાર અકસ્માતમાં 26 લોકોના મોત થયા છે જેમાં 9 લોકો ઘાયલ થયા છે. જ્યારે તન્જાનિયાના રાષ્ટ્રપતિ જ્હોન મુગુફુલીએ આ દુર્ઘટના અંગે દુઃખ વ્યક્ત કર્યુ હતું.
દેશના ટ્રાફિક પોલીસ કમાન્ડર ફ્રોર્ચુનેટ્સ મુસિલુમુએ જણાવ્યુ કે દક્ષિણી શહેર મ્કુરંગામાં મોડી રાત્રે થયેલ આ દુર્ઘટનામાં 8 બાળકો અને13 મહિલા સહિત કુલ 26 લોકોના મોત થયા છે.
જ્યારે નવ લોકો ઘાયલ થતા તેમને સારવાર અર્થે ખસેડવામાં આવ્યા છે. આ દુર્ઘટનાનુ કારણ હજી સામે આવ્યુ નથી. પરંતુ સ્થાનિક તંત્ર દ્વારા આ મુદ્દે તપાસ કરવામાં આવી રહી છે.
મહત્વનુ છે કે, રોડની સ્થિતિ સારી ન હોવાના કારણે તેમજ ટ્રાફિકના નિયમોનુ પાલન ન થયુ હોવાના કારણે પૂર્વ આફ્રિકાના દેશોમાં આ પ્રકારના માર્ગ અકસ્માત સામે આવે છે. સરકારી આંકડા મુજબ દર વર્ષે માર્ગ અકસ્માતમાં 9 હજાર લોકોના મોત થાય છે પીડિતોના પરિવારજનો પ્રત્યે પોતાની સંવેદના વ્યક્ત કરી હતી.
આ પહેલા 20 માર્ચે ફિલીપીનની રાજધાનીના દક્ષિણમાં એક બસ નદીમાં પડી ગઈ હતી જેમાં બસના ડ્રાઈવર સહિત લગભગ 19 લોકોના મોત થયા હતા. આ ઘટનાની જાંચ પડતાલ કરી રહેલા પોલીસ અધિકારી અલિક્સ ગોએ જણાવ્યું હતું કે ડ્રાઈવરે ટેકનીકલ ખામીના કારણે બસ પરથી નિયત્રણ ખોઈ દીધું હતું.
