નવી દિલ્હી,
દેશભરમાં ટેલિકોમ ક્ષેત્રે ક્રાંતિ સર્જનારા રિલાયન્સ જિયો દ્વારા હાલ પોતાના સૌથી ઝડપી નેટવર્ક jio GigaFiberનું રજીસ્ટ્રેશન શરુ કરવામાં આવ્યું છે. માનવામાં આવી રહ્યું છે કે, જિયો પોતાની ફાઈબર – ટુ-ધ-હોમ (FTTH) સેવાથી બ્રોડબેન્ડ માર્કેટમાં ધૂમ મચાવી શકે છે, ત્યારે હવે અન્ય ટેલિકોમ કંપનીઓ દ્વારા આ દિશામાં પગલું મળવામાં આવ્યું છે.
આ દિશામાં BSNL દ્વારા પોતાની બ્રોડબેન્ડ સેવા માટે ૪ નવા પ્લાન લોન્ચ કર્યા છે. કંપની દ્વારા ૯૯ રૂપિયા, ૧૯૯ રૂપિયા, ૨૯૯ રૂપિયા અને ૩૯૯ રૂપિયાના નવા પ્લાનની ઘોષણા કરવામાં આવી છે.
કંપનીના આ પ્લાનમાં ગ્રાહકોને ૨૦ mbpsની સ્પીડથી ડેટા મળશે અને લિમિટ ડેટા ખતમ થયા બાદ સ્પીડ ઘટીને ૧ mbps જેટલી થઇ જશે. સાથે સાથે આ પ્લાનમાં ફ્રી કોલિંગની પણ સુવિધા આપવામાં આવી રહી છે.
BSNLના પ્લાનની ખાસ વાતે છે કે, ગ્રાહકો દેશના કોઈ પણ ભાગમાં આ પેક્સનો લાભ લઇ શકે છે. જો કે આ પ્લાન અંદમાન – નિકોબાર માટે માન્ય રહેશે નહિ.
૯૯ રૂપિયાના પ્લાનમાં ગ્રાહકોને પ્રતિદિન ૨૦ mbpsની સ્પીડથી ૧.૫ GB ડેટા અને ૧૯૯ રૂપિયાના પ્લાનમાં ૫ GB ડેટા મળશે. એટલે કે ૧ મહિનામાં કુલ ૧૫૦ GB ડેટા મળશે.
જયારે ૨૯૯ રૂપિયામાં કુલ ૩૦૦ (૧૦ GB/દિવસ) અને ૩૯૯ રૂપિયાના પ્લાનમાં કુલ ૬૦૦ GB ડેટા ( ૨૦ GB/દિવસ) ડેટા મળશે.
