ટેનિસ સ્ટાર સ્વીડનના મહાન ખેલાડી રોજર ફેડરરે ટેનિસમાંથી નિવૃત્તિ લેવાની જાહેરાત કરી છે. તેણે આજે પોતાના ટ્વિટર હેન્ડલથી નિવૃત્તિની જાહેરાત કરી છે. 20 ગ્રાન્ડ સ્લેમ જીતનાર રોજર ફેડરર છેલ્લા કેટલાક સમયથી ઈજા સાથે સંઘર્ષ કરી રહ્યો હતો. આ કારણે તેને ઘણી વખત સર્જરી કરાવવી પડી હતી. રોજર પોતાની ઈજા અને સર્જરીને કારણે છેલ્લા કેટલાક વર્ષોથી કોર્ટ પર પોતાનો જુનો જુસ્સો દેખાડી શક્યો ન હતો. દરમિયાન, રોજરે નિવૃત્તિની જાહેરાત કરી છે. રોજરે નિવૃત્તિ લીધી અને કહ્યું કે લંડનમાં એટીપી ઇવેન્ટમાં લેવર કપ તેની છેલ્લી ટુર્નામેન્ટ હશે.
નોંધનીય છે કે 20 વખતના ગ્રાન્ડ સ્લેમ વિજેતા સ્વીડિશ મહાન રોજર ફેડરરે તેની નિવૃત્તિની જાહેરાત કરતા તેના ટ્વિટર એકાઉન્ટ પરથી એક ખાસ નોંધ લખી છે, જેમાં તેની 24 વર્ષની લાંબી ટેનિસ કારકિર્દીમાં તેને ટેકો આપનારા ચાહકોનો આભાર માન્યો છે. સાથે જ તેણે પત્ની મિરકાનો પણ આભાર માન્યો હતો. ફેડરરે પોતાની નોટમાં લખ્યું છે કે તમે બધા જાણો છો કે છેલ્લા ત્રણ વર્ષમાં મેં મારા જીવનમાં ઈજાઓ અને સર્જરીના રૂપમાં ઘણા પડકારોનો સામનો કર્યો છે. મેં ફરીથી કોર્ટ પર કમબેક કરવાનો શ્રેષ્ઠ પ્રયાસ કર્યો છે. પણ હું મારા શરીરની મર્યાદા પણ જાણું છું.
— Roger Federer (@rogerfederer) September 15, 2022
વધુમાં રોજરે કહ્યું કે હું 41 વર્ષનો છું. મેં મારી 24 વર્ષની કારકિર્દીમાં 1500 થી વધુ મેચોમાં ભાગ લીધો છે. ટેનિસે મને મારા સપના કરતાં વધુ આપ્યું છે. પરંતુ હવે મારો ટેનિસમાંથી નિવૃત્તિ લેવાનો સમય આવી ગયો છે. આગામી સપ્તાહથી લંડનમાં લેવર કપ મારી કારકિર્દીની અંતિમ એટીપી ઇવેન્ટ હશે. હું ભવિષ્યમાં ચોક્કસપણે ટેનિસ રમીશ પરંતુ ગ્રાન્ડ સ્લેમ કે એટીપી ટૂરમાં નહીં.
