મહારાષ્ટ્રના નાગપુરમાં મોડી રાત્રે એક ભયાનક માર્ગ અકસ્માત સર્જાયો હતો. જણાવવામાં આવી રહ્યું છે કે, નાગપુરના કટોલના ટોંખામ ગામ પાસે એક ટ્રક અને સ્કોર્પિયો કાર વચ્ચે જોરદાર ટક્કર થઈ હતી. આ અકસ્માતમાં છ લોકોના મોત થયા છે અને એક ગંભીર રીતે ઘાયલ હોવાનું કહેવાય છે. ઘાયલ વ્યક્તિને નાગપુરની મેડિકલ કોલેજમાં દાખલ કરવામાં આવ્યો છે. આ દુર્ઘટના રાત્રે લગભગ 1.30 વાગ્યાની આસપાસ બની હોવાની માહિતી મળી રહી છે. જોરદાર ટક્કરને કારણે સ્કોર્પિયોમાં બેઠેલા 6 લોકોના મોત નીપજ્યા હતા. મૃત્યુ પામેલા તમામ લોકો એક જ ગામના રહેવાસી હતા.
ઉલ્લેખનીય છે કે આ પહેલા મહારાષ્ટ્રના નાગપુરમાં વર્ધા રોડ પર એક ટ્રકે મોટરસાઈકલને ટક્કર મારી હતી, જેમાં મોટરસાઈકલ સવાર દંપતીનું મોત થયું હતું અને તેમની 13 વર્ષની પુત્રી ગંભીર રીતે ઘાયલ થઈ હતી. 3 ડિસેમ્બરે થયેલી આ દુર્ઘટનામાં પોલીસ અધિકારીએ જણાવ્યું હતું કે શનિવારે સવારે 9.30 વાગ્યે જામથામાં એક વેરહાઉસ પાસે અકસ્માત થયો હતો અને મૃતકોની ઓળખ દિલીપ લેંડે (45) અને તેની પત્ની સારિકા (40) તરીકે થઈ છે. “દંપતીની પુત્રી લાવણ્યાને હોસ્પિટલમાં દાખલ કરવામાં આવી છે અને તેની હાલત ગંભીર છે. દિલીપ અને સારિકાનું હોસ્પિટલમાં લઈ જતી વખતે મૃત્યુ થયું હતું. આરોપી ટ્રક ડ્રાઈવર સ્થળ પરથી ભાગી ગયો હતો અને તેને પકડવાના પ્રયાસો ચાલુ છે,” અધિકારીએ જણાવ્યું હતું. હિંગણા પોલીસ સ્ટેશનના અધિકારીએ જણાવ્યું કે ભારતીય દંડ સંહિતા અને મોટર વ્હીકલ એક્ટ હેઠળ કેસ નોંધવામાં આવ્યો છે.
આ પણ વાંચો:
આ પણ વાંચો:
આ પણ વાંચો:
