દિલ્હી પોલીસ (Delhi Police)ના સ્પેશિયલ સેલ દ્વારા ગુરુવારે ઝડપાયેલા બે આતંકવાદીઓ (terrorists)ની પૂછપરછમાં ચોંકાવનારા ખુલાસા થયા છે. આતંકવાદીઓએ ટ્રાયલ તરીકે એક છોકરાની હત્યા કરી અને તેના શરીરના 8 ટુકડા કરી નાખ્યા. આતંકીઓએ આ ઘટનાનો વીડિયો બનાવીને પાકિસ્તાનમાં બેઠેલા તેમના આકાઓને મોકલી આપ્યો હતો. બંને આતંકવાદીઓને પાકિસ્તાનની ગુપ્તચર સંસ્થા દ્વારા મોટા હિન્દુ નેતાઓને મારવાનું ટાસ્ક આપવામાં આવ્યું હતું.
દિલ્હી પોલીસને તપાસ દરમિયાન જાણવા મળ્યું કે આતંકવાદીઓ જગજીત સિંહ ઉર્ફે જગ્ગા ઉર્ફે યાકુબ અને નૌશાદે એક છોકરાની હત્યા કરી હતી. બંનેએ તેની લાશને કાપી નાખી. તેઓ તેમના પાકિસ્તાની હેન્ડલર્સના આદેશ પર હિન્દુ નેતાઓ પર હુમલો કરવાની યોજના બનાવી રહ્યા હતા.
હત્યાનો વીડિયો મોકલ્યો પાકિસ્તાન
તપાસ દરમિયાન પોલીસને ખબર પડી કે જે છોકરાની હત્યા કરવામાં આવી છે તે ડ્રગ્સનો વ્યસની હતો. પકડાયેલા આતંકવાદીઓના પગેરા પર દિલ્હીના ભાલ્સવા ડેરી વિસ્તારમાંથી તેના શરીરના ટુકડા મળી આવ્યા હતા. શરીરના ખભાના ભાગ પર ત્રિશુલ ટેટૂ બનેલું હતું. આ ઘટના પાછળ પાકિસ્તાનની ગુપ્તચર સંસ્થા આઈએસઆઈનો હાથ હતો. બંને આતંકવાદીઓએ ટ્રાયલ તરીકે છોકરાની હત્યા કરી નાખી હતી. તેણે આ ઘટનાનો વીડિયો બનાવીને પાકિસ્તાનમાં તેના બોસને મોકલ્યો હતો.
નૌશાદ તિહાર જેલમાં કેદ હતો
નૌશાદ પાકિસ્તાનથી ચાલતા આતંકવાદી સંગઠન હરકત-ઉલ-અંસાર સાથે સંકળાયેલો છે. આ સંગઠન જમ્મુ-કાશ્મીરમાં આતંક ફેલાવવામાં સક્રિય રીતે સામેલ છે. નૌશાદ લાંબા સમય સુધી દિલ્હીની તિહાર જેલમાં કેદ હતો. આ દરમિયાન તે આરિફ મોહમ્મદ અને સોહેલ નામના બે આતંકવાદીઓના સંપર્કમાં આવ્યો હતો. આરિફ મોહમ્મદ દિલ્હીના લાલ કિલ્લા પર થયેલા આતંકવાદી હુમલાનો આરોપી છે. સોહેલ 2018માં જેલમાંથી છૂટ્યો હતો. જેલ છોડ્યા બાદ તે પાકિસ્તાન ગયો અને આતંકી સંગઠન લશ્કર-એ-તૈયબામાં જોડાયો. નૌશાદ તેમના સંપર્કમાં હતા.
સોહેલે ટાર્ગેટ કિલિંગનું ટાસ્ક નૌશાદને આપ્યું હતું
સોહેલ નૌશાદને ટાર્ગેટ કિલિંગનું કામ આપે છે અને તેને હત્યાનો વીડિયો મોકલવાનું કહે છે. નૌશાદને અગ્રણી હિંદુ નેતાઓની હત્યા કરવાનું કહેવામાં આવ્યું હતું. નૌશાદ દિલ્હીમાં જગજીત સાથે રહેવા લાગ્યા. બંનેની મિત્રતા આદર્શનગરમાં રહેતા એક છોકરા સાથે થઈ હતી. 21 ડિસેમ્બરે તેણે છોકરાને તેના ભાડાના મકાનમાં બોલાવ્યો હતો. જ્યારે છોકરો આવ્યો તો બંનેએ મળીને તેની હત્યા કરી અને વીડિયો સોહેલને મોકલ્યો. આ પછી આરોપીઓએ લાશના આઠ ટુકડા ભાલવા ડેરી વિસ્તારમાં ફેંકી દીધા હતા. પોલીસે તમામ ટુકડાઓ કબજે કર્યા છે.
પોલીસે શુક્રવારે બે હેન્ડ ગ્રેનેડ જપ્ત કર્યા હતા
પૂછપરછ દરમિયાન પોલીસને જાણવા મળ્યું કે બંને આતંકવાદીઓ ભાલવા ડેરી પોલીસ સ્ટેશન વિસ્તારની શ્રદ્ધા નંદ કોલોનીમાં ભાડાના મકાનમાં રહેતા હતા. શુક્રવારે રાત્રે પોલીસ બંને આતંકીઓને લઈને તેમના ઠેકાણા પર પહોંચી હતી. અહીંથી પોલીસને બે હેન્ડ ગ્રેનેડ, ત્રણ પિસ્તોલ અને 22 ગોળીઓ મળી છે. સ્થળ પર પહોંચેલી ફોરેન્સિક ટીમને માનવ લોહીના નિશાન મળ્યા હતા.
આ પણ વાંચો:હું તો કાર્પેટ પણ પાથરી દવ, MPમાં બદલાવની ચર્ચાઓ વચ્ચે બોલ્યા શિવરાજ સિંહ ચૌહાણ
આ પણ વાંચો:MPના સીએમ શિવરાજસિંહ ચૌહાણના હેલિકોપ્ટરનું ઇમરજન્સી લેન્ડિંગ
આ પણ વાંચો:વિમાનો માટે કાળ છે નેપાળનું આકાશ?10 વર્ષમાં એક ડઝનથી વધુ અકસ્માતો
