ઈંદોરમાં પંજાબ નેશનલ બેંકના ચીફ મેનેજરની 16 વર્ષીય વિદ્યાર્થિની પર બળાત્કાર કરવા અને વીડિયો બનાવીને બ્લેકમેલ કરવા બદલ ધરપકડ કરવામાં આવી છે. વિદ્યાર્થી સાથે પીએનબી મેનેજરે પહેલા મિત્રતા કરી હતી અને પછી તેની સાથે દુષ્કર્મ આચર્યુ હતુ.
આ કેસ શહેરના તુકોગંજ પોલીસ સ્ટેશનમાં નોંધાયો છે.આરોપીની ઓળખ 53 વર્ષીય પીએનબીના ચીફ મેનેજર પરવિંદરસિંહ જામવાલ તરીકે થઈ છે.
વિદ્યાર્થિનીએ જણાવ્યું હતું કે આરોપી બે વર્ષ પહેલા ઇન્દોરમાં પોસ્ટ કરાયો હતો. વિદ્યાર્થિની મિત્રની માતા આરોપીના ઘરે કામ કરતી હતી. તે તેના મિત્ર સાથે એક કે બે વાર તેની માતાને મળવા ગઈ હતી. આ દરમિયાન આરોપીએ તેને અભ્યાસ માટે લોન મેળવવા માટે પણ ફસાવી હતી. આરોપીએ યુવતી સાથે મિત્રતા કરી અને વિદ્યાર્થીને ગોવામાં લઈ ગયો હતો.
આરોપીએ હોટલમાં પણ બાળાત્કાર કર્યો હતો અને વિદ્યાર્થીનો વીડિયો પણ બનાવ્યો હતો. બાદમાં તેણે વિદ્યાર્થીને બ્લેકમેલ કરી અને તેની સાથે વધુ બે વખત સંબંધો બનાવ્યા.
ટીઆઈના જણાવ્યા અનુસાર, આ ઘટનાથી વિદ્યાર્થિની ખૂબ જ દુ: ખી હતી. જ્યારે તેના શિક્ષકે તેને કારણ પૂછ્યું ત્યારે તેને રડવાનું શરૂ કરી દીધુ અને આખી ઘટના વિશે વાત કર્યા પછી આત્મહત્યાની વાત શરૂ કરી હતી. શિક્ષકે તેના પરિવારનો સંપર્ક કર્યો. ત્યારબાદ વિદ્યાર્થીના પરિવારજનોને આ કેસની જાણ થઈ હતી.
જ્યારે વિદ્યાર્થીએ પોલીસને આ વાતની જાણ કરતાં પોલીસે તેને પકડવાની યોજના બનાવી હતી. પોલીસે વિદ્યાર્થીની મદદથી આરોપીને ઇન્દોર બોલાવ્યો હતો. અને પ્લાન બનાવી યુવતી એરપોર્ટ પર ટેક્સી લઇને તેને લેવા ગઇ હતી, અને ત્યારબાદ આરોપીની ધરપકડ થઇ હતી..