Ahmedabad News: અમદાવાદ (Ahmedabad)માં બાંગ્લાદેશી ઘૂસણખોરોનો પર્દાફાશ થયો છે, જેમાં લલ્લા બિહારી અને બાંગ્લાદેશી એજન્ટો (Agents)ના કારનામાનો ખુલાસો થયો છે, ઘૂસણખોરી માટેનું પેકેજ 4.50 લાખ રૂપિયાનું હોવાનું કહેવાય છે, પેકેજમાં વીજળી અને ગેસ કનેક્શનવાળા રૂમની સુવિધા, ભારતીય નાગરિકત્વની સુવિધા પણ આપવામાં આવી હતી.
ઘૂસણખોરોની હાલ તપાસ કરતા પોલીસને જાણવા મળ્યું છે કે બાંગ્લાદેશી એજન્ટો ઘૂસણખોરોને 4.50 લાખ રૂપિયામાં સુવિધાઓ પૂરી પાડતા હતા, જેમાંથી 10 હજાર રૂપિયા બાંગ્લાદેશી એજન્ટને આપવામાં આવતા હતા. બાંગ્લાદેશી ઘૂસણખોરીમાં પશ્ચિમ બંગાળના એજન્ટને સરહદ પાર કરવામાં મદદ કરવા માટે 15000 રૂપિયા નક્કી કરવામાં આવ્યા હતા અને તેમને પશ્ચિમ બંગાળ (West Bengal)થી અમદાવાદ (Ahmedabad) લાવવા માટે 5,000 રૂપિયાનો ચાર્જ લેવામાં આવ્યો હતો. આમાંથી ચંડોળા તળાવ પર રૂમ માટે 1 લાખ રૂપિયા લેવામાં આવ્યા હતા અને નકલી દસ્તાવેજો માટે 50000 રૂપિયા આપવામાં આવતા હતા.
ભારતીય નાગરિકતા (Indian Citizenship) માટે 2 લાખ અને વીજ કનેક્શન માટે રૂપિયા 15000, રૂપિયા 25000 ડિપોઝિટ તરીકે અને ભારતીય ચલણમાં રૂપિયા 30,000 રોકડા લીધા હોવાનું બહાર આવ્યું છે. સમગ્ર ઘટનામાં પોલીસ તપાસમાં ખુલાસો થયો છે કે લલ્લા બિહારીએ 2 મહિનામાં 25 બાંગ્લાદેશીઓની તસ્કરી કરી છે. 25 લોકોની તસ્કરી કરીને 1.12 કરોડ રૂપિયા પડાવી લીધા છે. લલ્લા બિહારી (Lalla Bihari)ની જાળમાં ફસાઈને બાંગ્લાદેશી એજન્ટો પુરુષોને શોધીને મહિલાઓ અને સગીરોને નિશાન બનાવતા હતા, પૈસા ન હોય તો તેઓ 10 થી 20 ટકા વ્યાજ પણ લેતા હતા અને વ્યાજ લઈને લલ્લા તેમને ખાનગી વાહનમાં અમદાવાદમાં ઘૂસણખોરી કરવામાં મદદ કરતો હતો.
ગુજરાતના ગૃહ વિભાગે (Home Department) રાજ્યમાં ગેરકાયદેસર રીતે રહેતા બાંગ્લાદેશીઓના મુદ્દા પર વિદેશ મંત્રાલય સાથે ચર્ચા શરૂ કરી છે. બાંગ્લાદેશી નાગરિકોની વિગતો વિદેશ મંત્રાલયને આપવામાં આવી છે. આ ઉપરાંત, બાંગ્લાદેશીઓને પાછા મોકલવા અંગે વિદેશ મંત્રાલય (Foreign Ministry) સાથે પણ ચર્ચા કરવામાં આવી છે. ગૃહ વિભાગે ગુજરાતમાં થયેલી કાર્યવાહીની વિગતો વિદેશ મંત્રાલયને પણ મોકલી છે. હવે વિદેશ મંત્રાલયના નિર્દેશ મુજબ કાર્યવાહી કરવામાં આવશે.
આ પણ વાંચો:કોંગ્રેસ ઘૂસણખોરોની એજન્ટઃ હર્ષ સંઘવીના આકરા પ્રહારો
આ પણ વાંચો:ઘૂસણખોરોને વતન પાછા જવું નથી, ‘ભલે અમને ગોળી મારી દો’
આ પણ વાંચો:અમદાવાદમાં ઘૂસણખોરો વિરૂદ્ધ પોલીસે કરી આકરી કાર્યવાહી
