ભારતના વડાપ્રધાન નરેન્દ્ર મોદી અમેરિકાના ત્રણ દિવસના પ્રવાસ પર છે. મોદી અમેરિકાની ટોપ કંપનીઓના સીઇઓ સાથે મુલાકાત કરી હતી તેઓ અત્યાર સુધીમાં 5 કંપનીઓના સીઇઓને મળ્યા છે. વડાપ્રધાને તમામ CEOને 15-15 મિનિટનો સમય આપ્યો હતાે અને આ કંપનીઓના સીઇઓ સાથે સફળ બેઠક થઇ છે
PM મોદીએ બ્લેક્સ્ટોન ગ્રુપના CEO સ્ટીફન એ શ્વાર્જમેન સાથે મુલાકાત કરી. આ વડાપ્રધાનને મળનારા પાંચમા CEO હતા. આ કંપની ન્યૂયોર્ક બેઝ્ડ અમેરિકન અલ્ટરનેટિવ ઈન્વેસ્ટમેન્ટ મેનેજમેન્ટ કંપની છે.
બ્લેકસ્ટોનના સીઇઓએ કહ્યું કે અમારી કંપનીના રોકાણ માટે ભારત દુનિયાનું સૌથી સારું માર્કેટ છે. આ દુનિયામાં ઝડપથી ગ્રોથ કરનારો દેશ છે. અમે ભારતમાં રોકાણ કરવા માટે ઉત્સુક છીએ.મુલાકાત બાદ સ્ટીફને કહ્યું કે વડાપ્રધાન મોદી સાથે મુલાકાત કરીને ઘણી જ ખુશી મળી. મેં તેમને જણાવ્યું કે બ્લેકસ્ટોન ગ્રુપ ભારતમાં અત્યાર સુધીમાં 60 બિલિયન અમેરિકન ડોલરનું રોકાણ કરી ચુક્યું છે. અને આગામી 5 વર્ષમાં ગ્રુપ 40 બિલિયન ડોલરનું વધુ રોકાણ કરશે.
