Sports News: આજે પેરિસ ઓલિમ્પિકમાં ભારતીયો માટે શુભ દિવસ સાબિત થયો. 2024 ઓલિમ્પિકમાં ભારત માટે ખાતું ખોલાવનાર શૂટર મનુ ભાકર ફરી એકવાર પોતાની પિસ્તોલ સાથે તૈયાર હતી. તેમને સમર્થન આપવા માટે હરિયાણાના સરબજોત સિંહ પણ તેમની સાથે હતા. 10 મીટર એર પિસ્તોલ ઈવેન્ટમાં બ્રોન્ઝ મેડલ મેળવવાની જવાબદારી બંને યુવાનોના ખભા પર હતી જે તેઓએ ખુબ જ સારી રીતે નિભાવી હતી.
પેરિસ ઓલિમ્પિકની મિક્સ ડબલ્સની 10 મીટર એર પિસ્તોલમાં બ્રોન્ઝ મેડલની મેચમાં આ બંનેએ કોરિયાને હરાવતાં જ ભારતે નવો ઈતિહાસ રચ્યો હતો. મનુ ભાકર સ્વતંત્ર ભારતના ઈતિહાસમાં એક જ ઓલિમ્પિકમાં બે મેડલ જીતનારી પ્રથમ એથ્લેટ બની ગઈ છે. તેમના પહેલા, આ પરાક્રમ 1900 માં નોર્મન પિચાર્ડ દ્વારા કરવામાં આવ્યું હતું. આખી મેચ દરમિયાન સ્ટેન્ડ પર બેઠેલા લોકોમાંથી એક વ્યક્તિ વારંવાર ચીયર કરવામાં વ્યસ્ત હતી.
જ્યારે પણ કોરિયન ટીમ આગળ વધતી કે ભારત લક્ષ્ય ચૂકી ગયું ત્યારે એ જ મહિલા વારંવાર લોકોને પ્રોત્સાહિત કરતી અને તાળીઓના ગડગડાટ ચાલુ રાખવા કહેતી. લોકોને ‘ઈન્ડિયા-ઈન્ડિયા’ના નારા લગાવવા માટે પ્રેરિત કરતી આ મહિલા ભારતીય નહીં પરંતુ મોંગોલિયન ખેલાડી છે.
Beautiful selfie by Sarabjot Singh 📸♥️ pic.twitter.com/7xBvSEBm92
— The Khel India (@TheKhelIndia) July 30, 2024
બે વખત ઓલિમ્પિક મેડલ વિજેતા
મુખ્બાયરનો જન્મ મંગોલિયામાં થયો હતો, પરંતુ બાદમાં તેણે જર્મન નાગરિકત્વ લીધું હતું. વર્ષ 2022માં તે ભારતીય ટીમ સાથે કોચ તરીકે જોડાઈ હતી. મુખ્બાયારે ઓલિમ્પિકમાં જર્મની અને મંગોલિયા બંનેનું પ્રતિનિધિત્વ કર્યું છે અને રસપ્રદ વાત એ છે કે તેણે બંને દેશો માટે ઓલિમ્પિક મેડલ જીત્યા છે. 1992માં તેણે 25 મીટર એર પિસ્તોલમાં મંગોલિયા માટે બ્રોન્ઝ મેડલ જીત્યો હતો. ત્યારબાદ 2008માં બેઈજિંગ ઓલિમ્પિકમાં પણ તેણે શાનદાર પ્રદર્શન કર્યું હતું. આ ઈવેન્ટમાં જર્મનીને બ્રોન્ઝ મેડલ મળ્યો હતો. આ સિવાય તેણે 10 મીટર એર પિસ્તોલ સ્પર્ધામાં પણ ભાગ લીધો છે.
વર્લ્ડ ચેમ્પિયનશિપમાં ગોલ્ડ
આ સિવાય તે વર્લ્ડ ચેમ્પિયન પણ રહી ચુકી છે. 1998માં તેણે મંગોલિયા માટે વર્લ્ડ ચેમ્પિયનશિપ જીતી, ત્યારબાદ 2002માં તેણે જર્મની માટે વર્લ્ડ ચેમ્પિયનશિપમાં ગોલ્ડ મેડલ જીત્યો. તેના ભારતીય ટીમમાં સામેલ થવાથી ખેલાડીઓની રમતમાં ઘણો સુધારો થયો છે. તેમની દેખરેખ હેઠળ સરબજોત સિંહ જેવા યુવાનોએ શાનદાર પ્રદર્શન કર્યું છે.
આ પણ વાંચો:મોબાઈલ ગેમિંગ બાળકો માટે બની શકે જીવલેણ, માતા-પિતા સાવધાન
આ પણ વાંચો:ઝારખંડમાં રેલ દુર્ઘટનામાં 20 ડબ્બા પાટા પરથી ઉતરતા 2નાં મોત
આ પણ વાંચો:એટામાં શાળાના 12 બાળકો બેભાન થઈ ગયા, હોસ્પિટલમાં કરાયા દાખલ
